ടി20 ലോകകപ്പിൽ ഇന്ത്യക്കെതിരെ പാകിസ്ഥാന്റെ വിജയം ആഘോഷിച്ച മെഡിക്കൽ വിദ്യാർഥികൾക്കെതിരെ യുഎ‌പിഎ ചുമത്തി കേസെടുത്തു. ശ്രീനഗർ മെഡിക്കൽ കോളെജിലെയും ഷെരെ കശ്‌മീർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ്ഇലെയും വിദ്യാർഥികൾ പാകിസ്ഥാൻ വിജയത്തിൽ ആഹ്ളാദം പങ്കുവെയ്ക്കുന്ന വീഡിയോകൾ പുറത്തുവന്നിരുന്നു. ഇതിന് പിന്നാലെയാണ് വിദ്യാർഥിക‌ൾക്കെതിരെ കേസെടുത്തിരിക്കുന്നത്.

അതേസമയം സംഭവത്തിൽ വിദ്യാർഥികൾക്കെതിരെ കേസെടുക്കരുതെന്ന് ജമ്മുകശ്‌മീർ പീപ്പിൾസ് കോൺഫറൻസ് നേതാവ് സജാദ് ലോൺ പറഞ്ഞു. ഷെരെ, കരൺ നഗർ പോലീസ് സ്റ്റേഷനുകളിൽ യുഎ‌പിഇ സെക്ഷൻ 13 പ്രകാരമാണ് കേസ് രജിസ്റ്റർ ചെയ്‌തിരിക്കുന്നത്. അതേസമയം കേസിൽ ആരെയും ഇതുവരെ അറസ്റ്റ് ചെയ്‌തിട്ടില്ല.