ശ്രീനു എസ്|
Last Modified ശനി, 24 ഏപ്രില്‍ 2021 (15:43 IST)
കോവിഡ് കെയര്‍ സെന്ററുകളില്‍ തിരക്ക് കൂടിവരുന്ന സാഹാചര്യത്തില്‍ കോച്ചുകള്‍ കോവിഡ് കെയര്‍ സെന്ററുകളാക്കി ഇന്ത്യന്‍ റെയില്‍വേ. മഹാരാഷ്ട്രയിലെ ഭോപ്പാലിലാണ് 20 റെയില്‍ കോച്ചുകളെ കോവിഡ് കെയര്‍ സെന്ററുകളാക്കിയത്. 20 കോച്ചുകളിലായി 320 ബെഡുകളാണ് സജ്ജീകരിച്ചിട്ടുള്ളത്. ഏപ്രില്‍ 25 മുതല്‍ തന്നെ ഈ കോച്ചുകള്‍ പ്രവര്‍ത്തനമാരംഭിച്ചുവെന്ന് റെയില്‍വേ മന്ത്രി പിയൂഷ് ഗോയല്‍ അറിയിച്ചു.
വര്‍ധിച്ചുവരുന്ന കോവിഡ് സാഹചര്യത്തില്‍ സംസ്ഥാന സര്‍ക്കാരുകളെ സഹായിക്കാനായി ഇന്ത്യന്‍ റെയില്‍വേ 4002 ട്രെയിന്‍ കോച്ചുകളെ ഇത്തരത്തില്‍ ഐസൊലേഷന്‍ സൗകര്യങ്ങളോടുകൂടിയ കോവിഡ് കെയര്‍ സെന്ററുകളായി മാറ്റിയിട്ടുണ്ടെന്നും അദ്ദേഹം അറിയിച്ചു.
