ഒറ്റ ദിവസം 54,736 പേർക്ക് രോഗബാധ, 853 മരണം, രാജ്യത്ത് കൊവിഡ് ബാധിതരുടെ എണ്ണം 17 ലക്ഷം കടന്നു

വെബ്ദുനിയ ലേഖകൻ| Last Modified ഞായര്‍, 2 ഓഗസ്റ്റ് 2020 (10:06 IST)
ഒറ്റ ദിവസം രാജ്യത്ത് 54,000 ലധികം പേർക്ക് രോഗബാധ. കഴിഞ്ഞ 4 മണിക്കൂറിനിടെ 54,736 പേർക്കാണ് രാജ്യത്ത് കൊവിഡ് ബാധ സ്ഥിരീകരിച്ചത്. ഇതോടെ രാജ്യത്ത് ആകെ കൊവിഡ് സ്ഥിരീകരിച്ചവരുടെ എണ്ണം 17 ലക്ഷം കടന്നു. 17,50,724 പേർക്കാണ് രാജ്യത്താകെ കൊവിഡ് ബാധ സ്ഥിരീകരിച്ചത്. ഇന്നലെ മാത്രം 853 പേർക്കാണ് ജീവൻ നഷ്ടമായത്. ഇതോടെ രാജ്യത്ത് മരണസംഖ്യ 37,364 ആയി.

5,67,730 പേരാണ് നിലവിൽ ചികിത്സയിലുള്ളത്. 11,45,630 പേർ രാജ്യത്ത് കൊവിഡിൽനിന്നും രോഗമുക്തി നേടി. മഹാരാഷ്ട്രയിൽ മാത്രം കൊവിഡ് ബാധ സ്ഥിരീകരിച്ചവരുടെ എണ്ണം 4,31,719 ആയി. 15,316 പേരാണ് മഹാരാഷ്ട്രയിൽ മരണപ്പെട്ടത്. 9,601 പേർക്കാണ് കഴിഞ്ഞ ദിവസം മഹാരാഷ്ട്രയിൽ രോഗബാധ സ്ഥിരീകരിച്ചത്. 322 പേർ മരണപ്പെടുകയും ചെയ്തു.



ഇതിനെക്കുറിച്ച് കൂടുതല്‍ വായിക്കുക :