ബംഗളൂരുവിലെ ഫ്ളാറ്റില്‍ ദുരൂഹ സാഹചര്യത്തില്‍ തൂങ്ങി മരിച്ച നിലയില്‍ കണ്ടെത്തിയ ഐഎഎസ് ഉദ്യോഗസ്ഥന് അന്തിമോപചാരമര്‍പ്പിച്ച് വളര്‍ത്തുനായ. ഡി കെ രവിയുടെ മൃതദേഹം പൊതുദര്‍ശനത്തിന് വച്ചപ്പോള്‍ ഏവരുടേയും കരളലിയിപ്പിക്കുന്ന കാഴ്ചയായിരുന്നു വളര്‍ത്തുനായയുടെ സ്നേഹപ്രകടനം.

പൊട്ടിക്കരയുന്ന രവിയുടെ ഭാര്യയുടെ തൊട്ടടുത്തായി നായയും ശവപ്പെട്ടിയില്‍ പിടിച്ചു നിന്ന് യജമാനന് വളര്‍ത്തുനായ ആദരാഞ്ജലി അര്‍പ്പിച്ചു.

കഴിഞ്ഞ ചൊവ്വാഴ്ചയാണ് ദുരൂഹമായ സാഹചര്യത്തില്‍ ഡി കെ രവിയെ ബംഗ്ലൂരിലെ ഫ്ലാറ്റില്‍ മരിച്ച നിലയില്‍ കണ്ടെത്തിയത്.

അദ്ദേഹത്തിന്റെ മരണത്തില്‍ ദുരൂഹത തുടരുകയാണ്. കര്‍ണാടകയിലെ കോലാറില്‍ മണല്‍മാഫിയക്കെതിരെ ശക്തമായ നിലപാടെടുന്ന് പ്രസിദ്ധനായ ഉദ്യോഗസ്ഥനായിരുന്നു അദ്ദേഹം. അദ്ദേഹത്തിന്റെ മരണം കൊലപാതകമാണോ എന്ന് അന്വേഷിക്കുന്നുണ്ട്.