ആഭ്യന്തരമന്ത്രി അമിത് ഷായുടെ 57-ാം ജന്മദിനമാണ് ഇന്ന്. 1964 ഒക്ടോബര്‍ 22 നാണ് ബോംബെയില്‍ അമിത് ഷാ ജനിച്ചത്. കുടുംബത്തിനു രാഷ്ട്രീയ പാര്‍ട്ടികളുമായി യാതൊരു ബന്ധവുമുണ്ടായിരുന്നില്ല. ബയോ കെമിസ്ട്രിയില്‍ ബിരുദം നേടിയ അമിത് ഷാ രാഷ്ട്രീയത്തിലേക്ക് എത്തുന്നത് ആര്‍.എസ്.എസിലൂടെയാണ്.

സ്‌കൂളില്‍ പഠിക്കുമ്പോള്‍ അമിത് ഷായ്ക്ക് എബിവിപിയുമായി അടുത്ത ബന്ധമുണ്ടായിരുന്നു. 1986 ലാണ് അമിത് ഷാ ബിജെപിയില്‍ ചേരുന്നത്. ബിജെപിയില്‍ ചേരുന്നതിനു മുന്‍പ് വരെ ഒരു സ്‌റ്റോക് ബ്രോക്കറായി ജോലി ചെയ്യുകയായിരുന്നു ഷാ.

ബിജെപി ദേശീയ അധ്യക്ഷന്‍ എന്ന നിലയിലും അമിത് ഷാ നേരത്തെ ശ്രദ്ധിക്കപ്പെട്ടിരുന്നു.