അധോലോക നായകന് ദാവൂദ് ഇബ്രാഹിം ഡല്‍ഹിയിലെ സി ബി ഐ ആസ്ഥാനം തകര്‍ക്കാന്‍ പദ്ധതിയിടുന്നതായി റിപ്പോര്‍ട്ട്. 2ജി സ്പെക്ട്രം അഴിമതി അന്വേഷണവുമായി ബന്ധപ്പെട്ട എല്ലാ രേഖകളും നശിപ്പിക്കാനാണ് ദാവൂദ് ലക്ഷ്യമിടുന്നത്. ദാവൂദിന്റെ ഡി-കമ്പനി അക്രമങ്ങള്‍ക്ക് പദ്ധിതിയിടുന്നതായി മുംബൈയിലെ സി ബി ഐ ഉദ്യോഗസ്ഥര്‍ക്കാണ് വിവരം ലഭിച്ചത്.
ഇതെത്തുടര്‍ന്ന് സി ബി ഐ ആസ്ഥാനത്തിന്റെ സുരക്ഷ ശക്തമാക്കി. ഇക്കാര്യം ദേശീയ അന്വേഷണ ഏജന്‍സിയുടെ ശ്രദ്ധയില്‍പ്പെടുത്തിയിട്ടുണ്ട്. ഇതോടൊപ്പം സി ബി ഐയുടെ രാജ്യത്തെ ശാഖകളിലും കര്‍ശനസുരക്ഷ ഏര്‍പ്പെടുത്തി. എല്ലാ അന്വേഷണ ഉദ്യോഗസ്ഥരോടും ജാഗ്രത പാലിക്കാന്‍ നിര്‍ദ്ദേശം നല്‍കിയിട്ടുമുണ്ട്.
മൂന്നാഴ്ച മുമ്പാണ് ആ‍ക്രമണപദ്ധതിയെക്കുറിച്ച് വിവരം ലഭിച്ചത്.
