ഒഡിഷ: കുരങ്ങൻ തട്ടിയെടുത്ത പിഞ്ചുകുഞ്ഞിന്റെ മൃതദേഹം കണ്ടെത്തി. വീട്ടുമുറ്റത്തെ കിണറ്റിൽ നിന്നുമാണ് 16 ദിവസം മാത്രം പ്രായമായ കുഞ്ഞിന്റെ മൃതദേഹം കണ്ടെത്തിയത്. കഴിഞ്ഞ ദിവസം ഒഡിഷയിലെ കട്ടക്ക് ജില്ലയിലെ തലാബസ്ത ഗ്രാമത്തിലായിരുന്നു സംഭവം. വീട്ടിൽ ഉറങ്ങുകയായിരുന്ന കുഞ്ഞിനെ കുരങ്ങ് തട്ടിയെടുത്ത് ഓടുകയയിരുന്നു. അമ്മയുടെ കൺമുൻപിൽ വച്ചാണ് കുട്ടിയെ കുരങ്ങ് തട്ടിയെടുത്തത്.

പൊലീസും വനം വകുപ്പും അഗ്നി ശമനസേനയും ചേർന്ന് കാടിനുള്ളിൽ തിരച്ചിൽ നടത്തിയിരുന്നെങ്കിലും. കുട്ടിയെ കണ്ടെത്താൻ സാധിച്ചിരുന്നില്ല. തുടർന്ന് വീടിന്റെ പരിസരത്ത് നടത്തിയ തിരച്ചിലിലാണ് വീട്ടു മുറ്റത്തെ കിണറ്റിൽ നിന്നും മൃതദേഹം കണ്ടെത്തിയത്. കുരങ്ങ് തട്ടിയെടുത്ത ഉടനെതന്നെ കുട്ടി കിണറ്റിൽ വീണിരിക്കാം എന്നാണ് പൊലീസ് പറയുന്നത്. പോസ്റ്റുമോർട്ടത്തിനു ശേഷം മാത്രമേ യഥാർത്ഥ മരണ കാണം വ്യക്തമാകൂ.

പ്രദേശത്ത് കുറച്ച് കാലങ്ങളായി കുരങ്ങുകളുടെ അക്രമം കൂടിവരികയാണ് എന്നാണ് പ്രദേശവാസികൾ പറയുന്നത്. ഇതു വനം വകുപ്പ് ഉദ്യോഗസ്ഥരെ അറിയിച്ചിരുന്നു എന്നാൽ അവർ ഈ മുന്നറിയിപ്പ് കാര്യമായി എടുക്കാത്തതാണ് ഇത്തരം സംഭവങ്ങൾക്ക് കാരണം എന്നാണ് നാട്ടുകാരുടെ അഭിപ്രായം.