തുല്ല്യവേതനവും സ്ഥിരനിയമനവും ആവശ്യപ്പെട്ട് ഗുജറാത്തിലെ വഡോദരയില്‍ ബിജെപി എംഎല്‍എ സതീഷ് പട്ടേലിന് നേരെ ആശാ വര്‍ക്കര്‍മാരുടെ പ്രതിഷേധം. കളക്ടറേറ്റിന് മുന്നില്‍ സമരം നടത്തുകയായിരുന്ന ആശാവര്‍ക്കര്‍മാരുടെ സമീപത്തേക്ക് എം‌എല്‍‌എ എത്തിയപ്പോഴാണ് ഈ സംഭവം നടന്നത്.

എം‌എല്‍‌എ സതീഷ് പട്ടേലിന് നേരെ ആശാ വര്‍ക്കര്‍മാര്‍ മുദ്രാവാക്യം വിളിച്ചപ്പോള്‍ തന്നെ ചീത്ത വിളിക്കേണ്ട, നരേന്ദ്രമോദിയെ ചീത്ത വിളിച്ചോ’ എന്ന് എംഎല്‍എ പറഞ്ഞുവെന്ന് ദേശീയമാധ്യമമായ ജനതാ കാ റിപ്പോര്‍ട്ടര്‍ റിപ്പോര്‍ട്ട് ചെയ്തിട്ടുണ്ട്. തെരഞ്ഞെടുപ്പ് അടുക്കുന്ന വേളയില്‍ ഗുജറാത്തില്‍ വിവിധ സംഘടനകളുടെ നേതൃത്വത്തില്‍ ബിജെപിക്കെതിരെ പ്രതിഷേധം ശക്തമായിരിക്കുകയാണെന്നും വിവരമുണ്ട്.