ട്രംപ് എന്ന് പേരിട്ടാല്‍ ഇന്ത്യല്‍ ജീവിക്കാന്‍ കഴിയില്ല. അതിന് ഒരു ഉദാഹരമാണ്
ഉത്തര ഡല്‍ഹിയിലെ റൂപ് നഗര്‍ സ്വദേശിയുടെ വളര്‍ത്തുനായ ആയ 'ട്രംപി'നെ അജ്ഞാതര്‍ തട്ടിക്കൊണ്ടുപോയത്. ഇന്നലെ വൈകിട്ട് 6.30 ഓടെ വീട്ടിലെ സുരക്ഷാ ഗാര്‍ഡിനൊപ്പം നടക്കാന്‍ പോകവേയാണ് ഒന്‍പതു വയസ്സുകാരനായ ട്രംപിനെ തട്ടിക്കൊണ്ടുപോയത്.

മഹേന്ദ്ര നാഥ് എന്നയാളുടെ ഉടമസ്ഥതയിലുള്ളതാണ് ട്രംപ് വളര്‍ന്നത്. വൈകിട്ട് 6.30 ഓടെവീട്ടിലെ സുരക്ഷാ ഗാര്‍ഡിനൊപ്പം നടക്കാന്‍ കൊണ്ടുപോകാന്‍ സെക്യൂരിറ്റി ഓംവീറിനോട് ആവശ്യപ്പെട്ടത്. നടന്നുപോകുമ്പോള്‍ കാറിലെത്തിയ രണ്ടു പേര്‍ ട്രംപിനെ തന്റെ പക്കല്‍ നിന്നും തട്ടിപ്പറിച്ചുകൊണ്ടു പോകുകയായിരുന്നു.

ഇവരുടെ കാറിന് പിന്നാലെ ഓടിയെത്താന്‍ ശ്രമിച്ചുവെങ്കിലും പരാജയപ്പെടുകയായിരുന്നുവെന്നും ഓംവീര്‍ പൊലീസിനോട് പറഞ്ഞു. സംഭവവുമായി ബന്ധപ്പെട്ട് പൊലീസ് കേസ് എടുത്തു. ട്രംപിനെ രക്ഷിക്കാനുള്ള ശ്രമത്തിനിടെ ഓംവീറിനും പരുക്കേറ്റിട്ടുണ്ട്. അതേസമയം, തന്റെ ട്രംപിനെ കണ്ടെത്താന്‍ സഹായിക്കുന്നവര്‍ക്ക് ഉടമ 11,000 രൂപ പാരിതോഷികം പ്രഖ്യാപിച്ചിട്ടുണ്ട്.