സംഗീത ഐന്ദ്രജാലികനായ എ ടി .ഉമ്മര്‍

രാകേന്ദു കിരണങ്ങള്‍ ഒളിവീശിയില്ല... ‘ എന്ന ഗാനം ജാനകിയുടെ എക്കാലത്തേയും അവിസ്മരണീയ ഗാനമാണ്. രതി തുളുമ്പുന്ന ആ ആലാപനശൈലിയും സംഗീതവും മലയാളഗാനശാഖയ്ക്ക് മുതല്‍ക്കൂട്ടായിരുന്നു. ബിച്ചു തിരുമലയാണ് ഈ ഗാനം രചിച്ചത്.

ഇതിനെ തീര്‍ത്തും മോഷണം എന്നു വിളിച്ചൂകൂടാ. തന്നെ വല്ലാതെ സ്വാധീനിച്ച ചില ട്യൂണുകള്‍ മലയാളത്തില്‍ പകര്‍ത്തുക മാത്രമാണദ്ദേഹം ചെയ്തത്. സ്വന്തം സിദ്ധികൊണ്ടും സാധനകൊണ്ടും അതീവ ഹൃദ്യമായ ഒട്ടേറെ നല്ല പാട്ടുകള്‍ അല്ലെങ്കില്‍ അദ്ദേഹത്തിന് സമ്മാനിക്കാന്‍ കഴിയുമായിരുന്നില്ലല്ലോ? അതുകൊണ്ട് ഉദ്ദേശ ശുദ്ധിയാല്‍ അദ്ദേഹം മാപ്പര്‍ഹിക്കുന്നു.

സംഗീതം അനുകരണമാണെന്ന് പറഞ്ഞവരോട് സംഗീതം അനുകരിക്കാനുള്ളതാണെന്ന് പ്രതികരിച്ച ഉമ്മറിനെ വിമര്‍ശകര്‍ എത്രമാത്രം തെറ്റിദ്ധരിച്ചുവെന്ന് ‘ ഒരു മയില്‍പ്പീലിയായ് ...’എന്ന ഗാനം. ഓര്‍മ്മപ്പെടുത്തും. വിഷാദവും പ്രണയപ്രതീക്ഷയും തുളുമ്പുന്ന ഈ ഗാനത്തിലൂടെ ഉമ്മര്‍ തന്‍റെ വിമര്‍ശകരുടെ നാവടപ്പിച്ചു കളഞ്ഞു.

അനുഭവം എന്ന ചിത്രത്തിന് വേണ്ടി ബിച്ചു തിരുമല എഴുതിയ ‘ വാകപ്പൂമരം ചൂടും വാരിളം പൂങ്കുലയ്ക്കുള്ളില്‍ ...‘ എന്ന ഗാനം ഉമ്മറിന്‍റെ അനശ്വരഗാനമാണ്. പ്രേമത്തിന്‍റെ മധുരം തുളുമ്പുന്ന ഈ ഗാനത്തിന്‍റെ വരികളും ഈണവും അലിഞ്ഞു ചേര്‍ന്നൊഴുകുന്ന ഒന്നാണ്.