നല്ല തങ്ക എന്ന ചിത്രത്തിനു വേണ്ടിയാണ് അദ്ദേഹം ആദ്യമായി സംഗീതം ഒരുക്കുന്നത്. ആ ചിത്രത്തിലെ നായകന്‍ യേശുദാസിന്‍റെ അച്ഛന്‍ അഗസ്റ്റിന്‍ ജേസഫായിരുന്നു. ഏറ്റവും നല്ല സംഗീത സംവിധായകനുള്ള പുരസ്കാരം നല്‍കി സംസ്ഥാന സര്‍ക്കാര്‍ അദ്ദേഹത്തെ ആദരിച്ചു.
നവലോകം, ചന്ദ്രിക, അമ്മസ, വേലക്കാരന്‍, ആശാദീപം, ലോകനീതി, ശരിയോ തെറ്റോ, അവന്‍ വരുന്നു, കിടപ്പാടം, ആത്മാര്‍പ്പണം, നാടോടികള്‍, സീത, ജ്ഞാനസുന്ദരി, ശ്രീകോവില്‍, വിയര്‍പ്പിന്‍റെ വില, ചിലമ്പൊലി, ശ്രീ ഗുരുവായൂരപ്പന്‍, കടമറ്റത്തച്ഛന്‍, ഇന്ദുലേഖ, അധ്യാപിക തുടങ്ങിയ 125-ഓളം ചിത്രങ്ങള്‍ക്ക് ഗാനം നല്‍കി.
മലയാളത്തില്‍ ഒരു തലമുറയിലെപ്പെട്ട മൂന്നു ഗായകരെ പാടിക്കാനായ പുണ്യവും ദക്ഷിണാമൂര്‍ത്തിക്കു മാത്രം അവകാശപ്പെട്ടത്.അഗസ്റ്റിന്‍ ജോസഫ്, യേശുദാസ് എന്നിവരെ സ്വന്തം സംഗീതത്തില്‍ പാടിപ്പിച്ച സ്വാമികള്‍ ഭദ്രന്‍റെ പൂമുഖപ്പടിയില്‍ നിന്നെയും കാത്ത് എന്ന ചിത്രത്തില്‍ ദാസിന്‍റെ മകന്‍ വിജയ് യേശുദാസിനെയും പാടിച്ചു.
