ലോകമെമ്പാടും ആരാധകരെ നേടിയ മഡോണയുടെ സംഗീത സംരംഭങ്ങള്‍ ഹിറ്റുകളായി. ക്രേസി ഫോര്‍ യു, ഡ്രസ് യു അപ്പ്, ട്രൂ ബ്ളു, ഓപ്പണ്‍ യുവര്‍ ഹാര്‍ട്ട്, ഹൂ ഈസ് ദാറ്റ് ഗേള്‍, റേ ഓഫ് ലൈറ്റ്, ദി നെക്സ്റ്റ് ബെസ്റ്റ് തിംഗ്, അമേരിക്കന്‍ ലൈഫ് തുടങ്ങിയവ അവയില്‍ ചിലതു മാത്രം.
1980 ല്‍ "എ സേര്‍ട്ടന്‍ സാക്രിഫൈസ് ' എന്ന ചിത്രത്തില്‍ അപ്രധാന വേഷത്തില്‍ മഡോണ മുഖം കാട്ടി. 1985 ല്‍ "ഡെസ്പറേറ്റ്ലി സീക്കിംഗ് സൂസന്‍', 1986 ല്‍ "ഷാംഗ്ഹായി സര്‍പ്രൈസ്' എന്നീ ചിത്രങ്ങളിലും മഡോണ അഭിനയിച്ചു.
1990 ല്‍ വാറന്‍ ബീറ്റിയുമൊത്ത് അഭിനയിച്ച "ഡിക് ട്രേസി' ഡോളറുകള്‍ വാരിക്കൂട്ടി. വോഗ്, ജ-സ്റ്റിഫൈ മൈ ലവ്, റെസ് ക്യൂ മീ എന്നീ ചിത്രങ്ങളും ബോക്സ് ഓഫീസില്‍ ചലനങ്ങള്‍ സൃഷ്ടിച്ചു. മഡോണയുടെ സുന്ദരശരീരം പ്രേക്ഷകരെ മറ്റൊരു ലോകത്തെത്തിച്ചു.
1996 ഒക്ടോബര്‍ 14 ന് മഡോണ അമ്മയായി. 2000 ഡിസംബര്‍ 22ന് ഗൈ റിച്ചിയുമായി മഡോണയുടെ വിവാഹവും നടന്നു. ഗൈ റിച്ചിയുമായി സന്തുഷ്ട കുടുംബബന്ധം നയിക്കുമ്പോഴും മഡോണയെ ദുഖിപ്പിക്കുന്ന ഒന്നുണ്ട്: ഭൂതകാലം. വാറന്‍ ബീറ്റിയും ഡെന്നീസ് റോഡ്മാനുമായുള്ള പ്രണയവും പ്രണയഭംഗവുമൊക്കെ മഡോണയെ ഇപ്പോഴും അലട്ടുന്നു. തന്‍റെ സ്വാര്‍ത്ഥത പലരുടെയും ജ-ീവിതത്തില്‍ കറുത്തപാട് അവശേഷിപ്പിക്കുന്നുവെന്ന് മഡോണ തുറന്നു സമ്മതിച്ചു.
കബ്ബാല മതത്തില്‍ ചേരുന്നുവെന്ന് അടുത്തയിടെ മഡോണ പ്രഖ്യാപിച്ചു. ഒപ്പം എസ്തര്‍ എന്ന പേരും അവര്‍ സ്വീകരിച്ചു. ജ-ൂതമതത്തിന്‍റെ യോഗാത്മക കാഴ്ചപ്പാടുകളുള്ള വിഭാഗമാണ് കബ്ബാല. മഡോണയുടെ മതംമാറ്റം ഉയര്‍ത്തുന്ന ഭീഷണി കത്തോലിക്കാ വൈദികപ്രമുഖര്‍ വത്തിക്കാനില്‍ അടിയന്തരയോഗം ചേര്‍ന്ന് വിലയിരുത്തി.
മഡോണയുടെ ഗാനങ്ങളുടെ പേരില്‍ മുമ്പ് വത്തിക്കാന്‍ കടുത്തവിമര്‍ശനവുമായി രംഗത്തു വന്നിരുന്നു. വീണ്ടും മഡോണ സഭയുടെ കണ്ണിലെ കരടായിരിക്കുന്നു.മഡോണയാവട്ടെ, വിവാദങ്ങളൊന്നും കണക്കിലെടുക്കാതെ ആഗസ്റ്റ് മധ്യത്തില്‍ "റീ ഇന്‍വെന്‍ഷ'നിലൂടെ യൂറോപ്യന്‍ ജ-നതയെ വശീകരിക്കുകതന്നെ ചെയ്തു
