ജോഷി സംവിധാനം ചെയ്ത കഴിഞ്ഞ ചിത്രങ്ങള്‍ - ലോക്പാലും സലാം കാശ്മീരും തികഞ്ഞ പരാജയങ്ങളായിരുന്നു. ഏറ്റവും പുതിയ ചിത്രം 'അവതാരം' പക്ഷേ കഥ മാറ്റിയെഴുതുകയാണ്. കനത്ത മഴയിലും ദിലീപ് നായകനായ ഈ സിനിമ വമ്പന്‍ ഹിറ്റായി മാറുന്നു.

ആദ്യ രണ്ടുദിവസത്തെ കളക്ഷന്‍ കൊണ്ടുതന്നെ അവതാരം സേഫ് സോണിലായിരിക്കുന്നു. രണ്ടു ദിവസം കൊണ്ട് 2.69 കോടി രൂപയാണ് ചിത്രം തിയേറ്ററുകളില്‍ നിന്ന് വാരിക്കൂട്ടിയത്.

ആദ്യ ദിവസം - 1.37 കോടി
രണ്ടാം ദിവസം - 1.32 കോടി

ഇങ്ങനെയാണ് കളക്ഷന്‍ വിവരം. ഈ രീതിയില്‍ ഒരാഴ്ച പിന്നിട്ടാല്‍ ചിത്രം മികച്ച ലാഭം തിയേറ്ററുകളില്‍നിന്നു തന്നെ നേടും. സാറ്റലൈറ്റ് റൈറ്റും മറ്റ് ഭാഷകളിലേക്കുള്ള റീമേക്ക് അവകാശവും ഓവര്‍സീസ് റൈറ്റും എല്ലാം കൂടിയാകുമ്പോള്‍ റിംഗ് മാസ്റ്റര്‍ക്ക് ശേഷം ദിലീപിന് മറ്റൊരു വമ്പന്‍ ഹിറ്റ് ലഭിക്കുകയാണ് അവതാരത്തിലൂടെ.

അതേസമയം, അവതാരത്തിന് തമിഴ് റീമേക്ക് ഉടന്‍ ഉണ്ടാകുമെന്ന് സൂചനയുണ്ട്. ഇളയദളപതി വിജയ് ഈ സിനിമ റീമേക്ക് ചെയ്യാന്‍ താല്‍‌പ്പര്യം പ്രകടിപ്പിച്ചതായാണ് അറിയുന്നത്.