ജെ കെ റൗളിംഗിന് 43

WEBDUNIA|


ലോകത്തിലെ ഏറ്റവും സമ്പന്നയായ ‘സെലെബ്രിറ്റി’,ബ്രിട്ടീഷ്എഴുത്തുകാരി ജെ.കെ.റൗളിംഗിന് ഇന്ന് പിറന്നാള്‍. അബര്‍ഫെല്‍ഡിയില്‍ പേര്‍ത്ത് ഷെയറിലെ വീട്ടില്‍.2008 ജൂലൈ 31 ന് അവര്‍ 43-ാം പിറന്നാള്‍ ആഘോഷിക്കുകയാണ്.

ഹാരിപോര്‍ട്ടറിന്‍റെ വില്പനയോടെ റൗളിംഗിന്‍റെ സമ്പാദ്യം 576 മില്യണ്‍ പൗണ്ടാണ്. എഴുത്തിലൂടെ ഇത്രയേറെ സമ്പാദ്യം കൈവരിച്ച എഴുത്തുകാര്‍ വേറെയില്ല.

ബ്രിട്ടണിലെ ഗ്ളസ്റ്റര്‍ ഷെയറില്‍ 1965ലാണ് ജോനെ റൗളിംഗ് എന്ന ജെ കെ റൌളിംഗ് പിറന്നത്. അച്ഛനും അമ്മയും അനുജത്തിയും ചേര്‍ന്ന കുടുംബം - ചെസ്റ്റോവിന് അടുത്തുള്ള ടുട്സ് ഹില്ലില്‍ താമസിക്കാനെത്തി. റൗളിംഗിന്‍റെ കുട്ടിക്കാലത്തു തന്നെ കൂട്ടുകാരെ കഥകള്‍ പറഞ്ഞ് വിസ്മയിപ്പിക്കാന്‍ അവര്‍ക്ക് പ്രത്യേക കഴിവുണ്ടായിരുന്നു.

രക്തകുഴലിലുണ്ടായിരുന്ന അസുഖം അമ്മയെ 1990ല്‍ റൗളിംഗില്‍ നിന്നും തട്ടിയെടുത്തു. ഇതേക്കുറിച്ച് ഈയിടെ അവര്‍ വിഷമം പ്രകടിപ്പിച്ചു.താന്‍ വലിയ ഒരെഴുത്തുകാരി ആവുന്നതു കാണാന്‍ അമ്മയ്ക്കു കഴിഞ്നിലാ 45 മത് വയസ്സില്‍ അമ്മ മരിക്കുന്നതിനു ആറു മാസം മുമ്പേ റൌളിംഗ് ഹാരിപോട്ടര്‍ എഴുതിത്തുടങ്ങിയുരുന്നു . ഇക്കാര്യം പക്ഷേ അമ്മയെ അറിയിച്ചിരുന്നില്ല. ഈ കാര്യം അവരെ വല്ലാതെ വേദനിപ്പിക്കുന്നു.

എക്സ്റ്റയര്‍ യൂണിവേഴ്സിറ്റിയില്‍ നിന്ന് ഫ്രഞ്ചും ക്ളാസിക്കുകളും പഠിച്ച് റൗളിംഗ് പാരീസില്‍ നിന്ന് ലണ്ടനിലേക്ക് മാറി. ആനംസ്റ്റി ഇന്‍റര്‍നാഷണലില്‍ ഗവേഷകയും ദ്വിഭാഷാ സെക്രട്ടറിയായിട്ടും ആയിരുന്നു പുതിയ ജോലി.




ഇതിനെക്കുറിച്ച് കൂടുതല്‍ വായിക്കുക :