ഹൃദയഭൂമിയെന്ന് അറിയപ്പെടുത്ത മധ്യപ്രദേശിലെ ജനങ്ങൾ മാറി ചിന്തിച്ച വർഷം കൂടിയായിരുന്നു 2014. ആ വർഷം ബിജെപിക്കായിരുന്നു മുൻ‌തൂക്കം. 29ൽ 27 സീറ്റിലും ജയിച്ചത് ബിജെപിയായിരുന്നു. വെറും 2 സീറ്റിലാണ് കോൺഗ്രസിന് തങ്ങളുടെ ശക്തി തെളിയിക്കാനായുള്ളു. 2019 അധികാരം തിരിച്ച് പിടിക്കാനുള്ള ലക്ഷ്യത്തിലാണ് കോൺഗ്രസ്.

ബിജെപി അനുകൂല തരംഗമായിരുന്നു 2014ൽ. ആകെയുള്ള 543 സീറ്റുകളിൽ 282 സീ‍റ്റുകളിലും ആധിപത്യം ഉറപ്പിച്ചായിരുന്നു ബിജെപി അധികാരത്തിൽ വന്നത്. കോൺഗ്രസിന്റെ ദയനീയ തോൽ‌വിക്ക് രാജ്യം സാക്ഷിയായി. വെറും 44 സീറ്റുകൾ മാത്രമാണ് കോൺഗ്രസിനു നേടാനായത്. ജയലളിതയുടെ പാർട്ടിയായ എ ഐ എ ഡി എം കെ 37 സീറ്റുകൾക്കാണ് തമിഴ്നാട്ടിൽ ജയിച്ചത്. തൃണമൂൽ കോൺഗ്രസിന് 34 സീറ്റുകളിലാണ് ശക്തി തെളിയിക്കാനായത്.