കോണ്ഗ്രസ് വൈസ്‌ പ്രസിഡന്റ്‌ രാഹുല് ഗാന്ധി തെരഞ്ഞെടുപ്പ്‌ പ്രചാരണത്തിനായി ഇന്നു മംഗലാപുരത്ത് എത്തും. ദക്ഷിണ കന്നഡ മണ്ഡലം കോണ്ഗ്രസ് സ്ഥാനാര്‍ഥി ബി. ജനാര്‍ദന്‍ പൂജാരിയുടെ പ്രചാരണ യോഗത്തില്‍ പങ്കെടുക്കാനാണ്‌ രാഹുല് എത്തുന്നത്‌.
ബെല്ലാരിയില്‍ നിന്ന്‌ ഹെലികോപ്റ്ററില്‍ മൂന്നരയോടെ മംഗലാപുരം മേരിഹില്‍ ഹെലിപാഡില്‍ വന്നിറങ്ങുന്ന രാഹുല് നാലിന്‌ സമ്മേളന വേദിയിലെത്തും. വൈകിട്ടു നാലിന്‌ നെഹ്രു മൈതാനത്താണ് സമ്മേളനം നടക്കുന്നത്.
നാളെ കേരളത്തില്‍ പ്രചാരണ യോഗങ്ങളില്‍ രാഹുല് പങ്കെടുക്കും. നാളെ 11.30ന്‌ കാസര്‍കോട്‌ നഗരസഭാ സ്റ്റേഡിയത്തില്‍ ടി. സിദ്ദീഖിന്റെ പ്രചാരണ യോഗം ഉദ്ഘാടനം ചെയ്യും. തുടര്‍ന്ന്‌ ഇടുക്കിയില്‍ ഡീന്‍ കുര്യാക്കോസിന്റെ തെരഞ്ഞെടുപ്പു യോഗത്തില്‍ പങ്കെടുക്കാനായി യാത്ര തിരിക്കും.
