യുവതിയെ ഫോണില്‍ നിരന്തരം ശല്യം ചെയ്തയാള്‍ പിടിയിലായി
തൃശൂര്‍|
WEBDUNIA|
PRO
PRO
യുവതിയെ മൊബൈല്‍ഫോണില്‍ വിളിച്ച് ശല്യം ചെയ്തയാളെ പൊലീസ് അറസ്റ്റ് ചെയ്തു. ആലപ്പുഴ എഴുപുന്ന ചന്ദ്രയൂര്‍ കുഴുപ്പള്ളി വീട്ടില്‍ സതീശ(47)നാണു പിടിയിലായത്‌. മീന്‍ കച്ചവടക്കാരനാണ് ഇയാള്‍.
തൃശൂര്‍ വെളപ്പായ സ്വദേശിയായ യുവതി ആണ് പരാതിക്കാരി. എല്‍ ഐ സി ഏജന്റ് ആയ യുവതിയുടെ നമ്പര്‍ പത്രത്തില്‍ നിന്നാണ് ഇയാള്‍ക്ക് ലഭിച്ചത്. പോളിസി എടുക്കാന്‍ താല്‍പര്യമുണ്ടെന്നു പറഞ്ഞാണ് യുവതിയുമായി സൌഹൃദം സ്ഥാപിച്ചത്. പിന്നീട് ഇയാള്‍ അശ്ലീലഭാഷ പ്രയോഗിക്കാന്‍ തുടങ്ങി.
പല നമ്പരുകളില്‍ നിന്ന് സ്ഥിരമായി ശല്യം ചെയ്യാന്‍ തുടങ്ങിയതോടെയാണ് യുവതി പരാതിപ്പെട്ടത്. സതീശനു ഭാര്യയും ഒരു കുട്ടിയുമുണ്ട്.
