യുഡിഎഫ് സ്ഥാനാര്‍ത്ഥികളുടെ വിജയം നിശ്ചയിക്കുന്നത് ലീഗ്: കെ പി എ മജീദ്
കോഴിക്കോട്|
WEBDUNIA|
PRO
തെരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥികളുടെ വിജയം നിശ്ചയിക്കുന്നത് തങ്ങളാണെന്ന് മുസ്ലീംലീഗ് ജനറല്‍ സെക്രട്ടറി കെ പി എ മജീദ്. എതിര്‍ക്കുന്നവരെയും സഹായിക്കുക എന്നതാണ് ലീഗിന്റെ നയമെന്നും അദ്ദേഹം പറഞ്ഞു. മുസ്ലീംലീഗിന്റെ തെരഞ്ഞെടുപ്പ് കണ്‍വെന്‍ഷനില്‍ സംസാരിക്കുകയായിരുന്നു മജീദ്.
വിവാദങ്ങള്‍ കൊണ്ട് ലീഗിനെ തകര്‍ക്കാമെന്ന് ആരും കരുതേണ്ടെന്ന് മന്ത്രി പി കെ കുഞ്ഞാലിക്കുട്ടി പറഞ്ഞു. കണ്ണൂരിലും വടകരയിലും ജയിച്ചത് കോണ്‍ഗ്രസാണെങ്കിലും പാറിയത് ലീഗിന്റെ പതാകയായിരുന്നു. വർഗീയ ശക്തികളെ തടയുന്നവരെ വേണം തെരഞ്ഞെടുപ്പില്‍ ജയിപ്പിക്കേണ്ടതെന്നും കുഞ്ഞാലിക്കുട്ടി പറഞ്ഞു.
മോഡിമാരുടെ പരിപ്പ് ഈ രാജ്യത്ത് വേവില്ലെന്ന് മുസ്ലീംലീഗ് സംസ്ഥാന പ്രസിഡന്റ് പാണക്കാട് സയ്യദ് ഹൈദരലി ശിഹാബ് തങ്ങള്‍ പറഞ്ഞു. വർഗീയത ഉണ്ടാക്കാമെന്ന് ആരും മന:പായസം ഉണ്ണേണ്ടെന്നും അദ്ദേഹം പറഞ്ഞു.
