മേട്ടുപ്പാളയത്ത് കാരമടയില്‍ ടീച്ചേഴ്സ് കോളനിയില്‍ ഞായറാഴ്ച വെളുപ്പിന് ഉണ്ടായ കാറപകടത്തില്‍ അഞ്ച് മലയാളികള് മരിച്ചു. കേരളത്തില്‍ നിന്ന് ഊട്ടി സന്ദര്‍ശനത്തിനു പോയവരാണ് മരിച്ചത്.
ഫോര്‍ട്ട് കൊച്ചി, കളമശേരി, മാമഗലം, കാക്കനാട് എന്നിവിടങ്ങളില്‍ നിന്നുള്ളവരാണ് അപകടത്തില്‍ പെട്ടത്. ശബരി, പ്രവീണ്‍, പ്രശാന്ത്, ഡിക്സന്‍, രാഹുല്‍ എന്നിവരാണ് മരിച്ചതെന്ന് തിരിച്ചറിഞ്ഞു.
ശനിയാഴ്ച കേരളത്തില്‍ നിന്ന് പുറപ്പെട്ട സംഘം സഞ്ചരിച്ചിരുന്ന കാര്‍ കാരമടയില്‍ ടീച്ചേഴ്സ് കോളനിക്ക് സമീപത്ത് ഒരു ടീ ഷോപ്പിന് മുന്നില്‍ നിര്‍ത്തിയിട്ടിരുന്ന ലോറിയുടെ പിന്നില്‍ ഇടിക്കുകയായിരുന്നു. കാറിന്‍റെ അമിത വേഗമാണ് അപകടകാരണമായത്.
