മുഖ്യമന്ത്രിയെ വിമര്‍ശിച്ച് നടത്തിയ പ്രസ്താവനയില്‍ മലക്കം മറിഞ്ഞ് സിപിഐ ജില്ലാ സെക്രട്ടറി പി രാജു. മുഖ്യമന്ത്രി ഇടയ്ക്കിടെ പേടിച്ച് പനി വരുന്നയാളാണെന്നും താന്‍ പറഞ്ഞതായി ഓര്‍മ്മയില്ലെന്നും അദ്ദേഹം പറഞ്ഞു. കെഎസ്ആര്‍ടിസി സ്ഥലംമാറ്റത്തില്‍ മുഖ്യമന്ത്രിയെ തെറ്റിദ്ധരിപ്പിക്കുന്നവര്‍ കേരളത്തിന്റെ ചരിത്രമറിയാത്തവരാണെന്നാണ് ഉദ്ദേശിച്ചത്. പാര്‍ട്ടി വിശദീകരണം തേടിയാല്‍ മറുപടി നല്‍കുമെന്നും പി.രാജു പറഞ്ഞു.

പിണറായി വിജയനെതിരെ രൂക്ഷ വിമര്‍ശനവുമായായിരുന്നു രാജു രംഗത്തെത്തിയിരുന്നു. ഇടയ്ക്കിടെ പേടിച്ച് പനി വരുന്നയാളാണെന്നും മന്ദബുദ്ധികളായ ചിലര്‍ മുഖ്യമന്ത്രിയുടെ ഉപദേശകരായി കൂടിയിട്ടുണ്ടെന്നും അവരുടെ ഉപദേശം കിട്ടിയാല്‍ കേരളം തകരുമെന്നും പി രാജു പറഞ്ഞിരുന്നു.

ആര്‍എസ്എസ് പ്രവര്‍ത്തകന്റെ കൊലപാതകവുമായി ബന്ധപ്പെട്ട് മുഖ്യമന്ത്രിയെ ഗവര്‍ണര്‍ വിളിപ്പിച്ചതുമായി ബന്ധപ്പെട്ട വിവാദങ്ങള്‍ക്കിടെയായിരുന്നു ഇദ്ദേഹം വിമര്‍ശനവുമായി രംഗത്തെത്തിയത്. സംഭവത്തില്‍ സംസ്ഥാന സെക്രട്ടറി കാനം രാജേന്ദ്രന്‍ പി രാജുവിനോട് വിശദീകരണം തേടി. ഏത് സാഹചര്യത്തിലാണ് പരാമര്‍ശം നടത്തിയതെന്ന് വ്യക്തമാക്കണമെന്നും കാനം ആവശ്യപ്പെട്ടു.