കോഴിക്കോട് ബീച്ചില്‍ രണ്ട്‌ നവജാതശിശുക്കളുടെ മൃതദേഹങ്ങള്‍ കണ്ടെത്തി. ആണ്‍കുട്ടിയുടേയും പെണ്‍കുട്ടിയുടേയും മൃതദേഹങ്ങളാണ്‌ തുണിയില്‍ പൊതിഞ്ഞ നിലയില്‍ ഇന്ന് രാവിലെ കണ്ടത്തിയത്‌.
ഇരട്ട കുട്ടികളാണെന്നാണ് പ്രാഥമിക നിഗമനം. ഒന്നോ രണ്ടോ ദിവസം മാത്രം പ്രായമുള്ളതാണ്‌ കുട്ടികളുടെ മൃതദേഹം. പൊക്കില്‍ കൊടി ക്ലിപ്പ് ചെയ്ത നിലയിലാണ്. ഇന്ന് രാവിലെ നാട്ടുകാരാണ് മൃതദേഹങ്ങള്‍ കണ്ടെത്തിയത്. തുടര്‍ന്ന് പൊലീസിനെ വിവരം അറിയിക്കുകയായിരുന്നു.
കോഴിക്കോട് നഗരത്തിലെ ആശുപത്രികളില്‍ അന്വേഷണം നടത്തുമെന്ന്‌ പൊലീസ്‌ പറഞ്ഞു.
