ലോക്സഭ തെരഞ്ഞെടുപ്പ് പ്രചരണാര്‍ത്ഥം ബിജെപി ദേശീയ അധ്യക്ഷന്‍ രാജ്നാഥ് സിംഗും ഉപാധ്യക്ഷന്‍ വെങ്കയ്യ നായിഡുവും നാളെ കേരളത്തിലെത്തും. രാജ്നാഥ് നാളെ രാവിലെ പത്തരയ്ക്ക് എറണാകുളത്തും, വെങ്കയ്യ നായിഡു ഉച്ചയ്ക്ക് പന്ത്രണ്ട് മണിയ്ക്ക് തിരുവനന്തപുരത്തും ആണ് എത്തുക.
പാര്‍ട്ടി ദേശീയ അധ്യക്ഷനായ രാജ്നാഥ് സിംഗ് ചാലക്കുടി, ചെങ്ങന്നൂര്‍, ഷൊര്‍ണൂര്‍, വടകര എന്നിവിടങ്ങളില്‍ ബി ജെ പിയുടെ തെരഞ്ഞെടുപ്പു സമ്മേളനങ്ങളില്‍ പങ്കെടുക്കും.
നാളെ ഉച്ചയോടെ തിരുവനന്തപുരത്തെത്തുന്ന ദേശീയ ഉപാധ്യക്ഷന്‍ വെങ്കയ്യ നായിഡു ബി ജെ പി കേരള കമ്മിറ്റിയുടെ വെബ്സൈറ്റ്‌ ഉദ്ഘാടനം ചെയ്യും. തിരുവനന്തപുരം മാരാര്‍ജി സ്മൃതി മന്ദിരത്തില്‍ ആണ് ഉദ്ഘാടനചടങ്ങ്. തുടര്‍ന്ന്, കൊല്ലം, ആലപ്പുഴ എന്നിവിടങ്ങളില്‍ ബി ജെ പിയുടെ തെരഞ്ഞെടുപ്പു പ്രചാരണ സമ്മേളനങ്ങളിലും പങ്കെടുക്കും.
