കൊച്ചിയില്‍ നടി ആക്രമിക്കപ്പെട്ട കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടനെ കുടുക്കിയത് പൊലീസും സംസ്ഥാന സര്‍ക്കാരുമാണെന്ന ആരോപണവുമായി ദിലീപ് ഓണ്‍ലൈന്‍ ഫാന്‍സ്. തങ്ങളുടെ ഫേസ്ബുക്ക് പേജിലൂടെയാണ് ദിലീപ് ഫാന്‍സ് സര്‍ക്കാരിനെതിരെ ഗുരുതരമായ ആരോപണവുമായി രംഗത്തെത്തിയിരിക്കുന്നത്.

പോസ്റ്റിന്റെ പൂര്‍ണരൂപം:

സര്‍ക്കാര്‍ എപ്പോള്‍ പ്രതിരോധത്തില്‍ ആയാലും ദിലീപിന് എതിരെ ഉള്ള വാര്‍ത്തകള്‍ ആണ് പൊതുജന ശ്രദ്ധയില്‍ നിന്ന് സര്‍ക്കാരിനെ രക്ഷിച്ചിരുന്നതെന്ന് വ്യക്തം. ഇപ്പോള്‍ ചാണ്ടിയുടെ രാജിക്കു മുറവിളി ഉയർന്ന സാഹചര്യത്തിൽ വീണ്ടും സർക്കാരിനെ രക്ഷിക്കാൻ ദിലീപ് തന്നെ വേണ്ടി വന്നേക്കും.

കോവളവും മൂന്നാറും ബന്ധുനിയമനവും സ്മാര്‍ട്ട് സിറ്റി അഴിമതിയും ലുലുവിന് കായല്‍ തീരം കൈമാറിയതും ചാണ്ടിയുടെ കായല്‍ കൈമാറ്റവും കേരളത്തിലെ രാഷ്ട്രീയവും ഐസിസ് ബന്ധവും ഹവാല കേരള രാഷ്ട്രീയ കണക്ഷനുകളും ജിഷ്ണു കേസും ജിഷ കേസ് അട്ടിമറിച്ചതും അടക്കം കെടുകാര്യസ്ഥതയുടെ ഇടതു അദ്ധ്യായങ്ങള്‍ മറച്ചു വെക്കാന്‍ മാധ്യമങ്ങളുടെ വാര്‍ത്താ പുകമറ സൃഷ്ടിക്കാന്‍ കേരള സര്‍ക്കാര്‍ പോലീസ് സഹായത്തോടെ നടത്തിയ നാടകീയമായ അറസ്റ്റ് ആണ് ദിലീപിന്‍റെ അറസ്റ്റ് . കോടതിയില്‍ കുറ്റപത്രം സമര്‍പ്പിക്കുന്ന ദിനം തല കീഴായി മറിയുന്ന ഈ കേസ്സില്‍ അവസാനിക്കുക കേരള പോലീസിന്റ വിശ്വാസ്യത തന്നെയാവും എന്ന് തീര്‍ച്ച .

അന്നും ഇന്നും എന്നും ദിലീപിനൊപ്പം. ഇരയ്ക്ക് നീതി കിട്ടാന്‍ ഇരയാക്കേണ്ടവൻ അല്ല ദിലീപ് .