തിരുവനന്തപുരം|
AISWARYA|
Last Modified വെള്ളി, 18 ഓഗസ്റ്റ് 2017 (09:06 IST)
പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയി ബലാത്സംഗം ചെയ്‌തെന്ന കേസില്‍ ആര്‍എസ്എസ് മുഖ്യശിക്ഷക് അറസ്റ്റില്‍. സംഭവത്തില്‍ പെണ്‍കുട്ടിയുടെ മാതാപിതാക്കള്‍ നല്‍കിയ പരാതിയുടെ അടിസ്ഥാനത്തില്‍ തിരുവല്ലം പൊലീസ് രജിസ്റ്റര്‍ ചെയ്ത കേസിലാണ് ആര്‍എസ്എസ് നേതാവ് അറസ്റ്റിലായത്. നിരവധി ക്രിമിനല്‍ കേസുകളില്‍ പ്രതിയായ വലിയശാല ചിത്രനഗര്‍ കല്യാണിമന്ദിരത്തില്‍ ജയദേവ് ആണ് അറസ്റ്റിലായത്.
പെണ്‍കുട്ടിയെ തട്ടിക്കൊണ്ടുപോയി ബലാത്സംഗം ചെയ്ത ഇയാള്‍ക്കെതിരെ മാതാപിതാക്കള്‍ പരാതി നല്‍കിയതോടെ ജയദേവ് ഒളിവില്‍ പോകുകയായിരുന്നു. കഴിഞ്ഞദിവസം പെണ്‍കുട്ടിയെ പരാതിയില്‍ നിന്നും പിന്തിരിപ്പിക്കാനായി സുഹൃത്തിന്റെ പക്കല്‍ ജയദേവ് കത്തു നല്‍കിവിട്ടിരുന്നു. ഇത് പെണ്‍കുട്ടിയുടെ രക്ഷിതാക്കള്‍ പൊലീസിന് കൈമാറി. കുട്ടികള്‍ക്കെതിരായ ലൈംഗികാതിക്രമം തടയാനുള്ള പോക്‌സോ നിയമപ്രകാരം ജയദേവിനെതിരെ കേസെടുത്തിട്ടുണ്ട്
