നടിയെ അക്രമിച്ച കേസിലെ ഗൂഢാലോചനയുമായി ബന്ധപ്പെട്ട് റിമാന്‍ഡില്‍ കഴിയുന്ന നടന്‍ ദിലീപ് പുറത്തിറങ്ങുന്നത് 57 ദിവസങ്ങള്‍ക്ക് ശേഷമാണ്. അച്ഛന്റെ ശ്രാദ്ധത്തില്‍ പങ്കെടുക്കാനയി ആലുവയിലെ തന്റെ വീട്ടിലെത്തിയ ദിലീപിനെ കാത്തിരുന്നത് നിര്‍വികാരമായ നിമിഷങ്ങള്‍ ആയിരുന്നു.

വീട്ടിലെത്തിയ ദിലീപിനെ കണ്ട് ബന്ധുക്കള്‍ സംസാരിക്കാന്‍ മടിച്ച് നിന്നപ്പോള്‍ നിശബ്ദതയെ മുറിച്ച് ആദ്യം മിണ്ടിയത് ദിലീപ് ആയിരുന്നു. ദിലീപിനെ അകത്തേക്ക് ക്ഷണിക്കാന്‍ അമ്മയും മകള്‍ മീനാക്ഷിയും എത്തിയെങ്കിലും കാവ്യയെ പുറത്തേക്ക് കണ്ടില്ല. എന്നാല്‍, കാവ്യയെ ദിലീപ് മൈന്‍ഡ് ചെയ്തില്ലെന്ന റിപ്പോര്‍ട്ടുകളാണ് വരുന്നത്. കാവ്യ ദിലീപിനെ കെട്ടിപ്പിടിച്ച് കരയുമെന്ന് കരുതിയവര്‍ക്ക് നിരാശയായി.

എന്നാല്‍, കാവ്യയുടെ പെരുമാറ്റം എല്ലാവരേയും അമ്പരപ്പിച്ചു. ബലിയര്‍പ്പിച്ച ശേഷം ഇറങ്ങാന്‍ തുടങ്ങിയ ദിലീപിന് ചെരുപ്പുകള്‍ ഇട്ടു നല്‍കിയത് കാവ്യയായിരുന്നു. അകലെ നിന്നും നോക്കുമ്പോള്‍ കാവ്യ ദിലീപിന്റെ കാലുകള്‍ തൊട്ടുവണങ്ങുകയാണെന്ന് തോന്നിക്കും വിധത്തിലായിരുന്നു കാവ്യ ചെരുപ്പിട്ട് നല്‍കിയത്. കാവ്യ കണ്ണുകള്‍ തുടച്ചു. തുടര്‍ന്ന് ദിലീപ് അമ്മയെ കെട്ടിപ്പിടിച്ച് യാത്ര പറഞ്ഞു. പിന്നെ ആരുടെയും മുഖത്ത് നോക്കാതെ നേരേ പൊലീസ് വാഹനത്തിലേക്ക് നടന്നകലുകയായിരുന്നു. ദിലീപ് പോയതോടെ പദ്മസരോവരം വീണ്ടും മൂകമായി.