കൊച്ചി യുവനടി ആക്രമിക്കപ്പെട്ട സംഭവത്തിന്‍ റിമാന്‍ഡില്‍ കഴിയുന്ന നടന്‍ ദിലീപിന്റെ ജാമ്യാപേക്ഷ ഹൈക്കോടതി തള്ളിയത് വലിയ വാര്‍ത്തയായിരുന്നു. എന്നാല്‍ ഇപ്പോള്‍ പലരുടെയും സംസാരവിഷയം അതല്ല. കാവ്യയെ കല്യാണം കഴിച്ചതിന് ശേഷമുള്ള ദിലീപിന്റെ ആദ്യത്തെ ഓണം ജയിലിലായതാണ്.

നടിയുടെ കേസില്‍ ദിലീപിനെതിരെ ശക്തമായ തെളിവുകള്‍ ഉണ്ടെന്ന് അന്വേഷണം സംഘം പറഞ്ഞത് കണക്കിലെടുത്താണ് താരത്തിന്റെ ജാമ്യാപേക്ഷ ഹൈക്കോടതി തള്ളിയത്. കേസില്‍ എല്ലാം തീര്‍ന്നുവെന്ന് ആശ്വസിക്കുമ്പോഴായിരുന്നു പെട്ടന്ന് ദിലീപ് അകത്ത് പോകുന്നത്.

ദിലീപിന്റെ അറസ്റ്റ് സിനിമാ ലോകത്തെ ഒന്നടങ്കം ഞെട്ടിച്ചിരുന്നു. അതിന് ശേഷം ഭാര്യ കാവ്യാ മാധവനും മകള്‍ മീനാക്ഷിയും ദിലീപിനെ കണ്ടിട്ടില്ല. ദിലീപിന്റെ ഓരോ ജാമ്യാപേക്ഷയിലും ഏറെ പ്രതീക്ഷ വെച്ചയാളാണ് കാവ്യയും മകള്‍ മീനാക്ഷിയും. രണ്ട് റിമാന്‍ഡ് കാലം കഴിയുമ്പോള്‍ ദിലീപിന് ജാമ്യം കിട്ടുമെന്നായിരുന്നു എല്ലാവരും കാവ്യയെ പറഞ്ഞു വിശ്വസിപ്പിച്ചത്.

സോഷ്യല്‍ മീഡിയയില്‍ ദിലീപിന് അനുകൂലമായി പ്രതികരിച്ചവരെ കാവ്യ ഫോണില്‍ വിളിച്ച് നന്ദി അറിയിച്ചിരുന്നു. രാമന്‍പിള്ള അഭിഭാഷകനായി എത്തിയപ്പോള്‍ കാവ്യ ഏറെ പ്രതീക്ഷിച്ചു. നിഷാല്‍ ചന്ദ്രയുമായുള്ള വിവാഹ മോചനക്കേസില്‍ എതിര്‍ഭാഗത്തിന്റെ വക്കീലായിരുന്നു രാമന്‍പിള്ള. അന്ന് തന്നെ ഈ അഭിഭാഷകന്റെ മികവ് കാവ്യ തിരിച്ചറിഞ്ഞിരുന്നു. എന്നാല്‍ അന്നും ഫലമുണ്ടായില്ല.