പത്തനംതിട്ട:വ്രതശുദ്ധിയില്‍ ഭക്തര്‍ക്ക്‌ മോക്ഷപ്രാപ്തിയുടെ ദിവ്യാനുഭൂതി പകര്‍ന്ന് കിഴക്കന്‍ ചക്രവാളത്തില്‍ ദിവ്യനക്ഷത്രം തെളിഞ്ഞു. മകര സംക്രമസന്ധ്യയില്‍ പൊന്നമ്പലമേട്ടില്‍ മൂന്ന് തവണ ദിവ്യജ്യോതിസ്സ് പ്രത്യക്ഷപ്പെട്ടതോടെ കലിയുഗവരദന്‍റെ കാരുണ്യം തേടി കല്ലും മുള്ളും താണ്ടി മലനിറഞ്ഞൊഴുകിയെത്തിയ ഭകത കണ്ഠങ്ങളില്‍ നിന്ന് ശരണമന്ത്രങ്ങളുയര്‍ന്നു. ശരണ മന്ത്രങ്ങളാല്‍ മുഖരിതമായ മകര സംക്രമസന്ധ്യയില്‍ ഭക്തകോടികള്‍ മകര ജ്യോതിയുടെ ദര്‍ശന പുണ്യം നേടി.
