തൃശൂരില്‍ വാട്ടര് ടാങ്കില്‍ വിഷം കലര്‍ത്തിയതായി അജ്ഞാത ഫോണ്‍ സന്ദേശം. അരിമ്പൂരിലെ വാട്ടര് അതോറിറ്റിയുടെ ടാങ്കില്‍ വിഷം കലര്‍ത്തിയിട്ടുണ്ട് എന്നായിരുന്നു സന്ദേശം. തുടര്‍ന്ന്‌ ഈ ടാങ്കില്‍ നിന്നുള്ള ജലവിതരണം നിര്‍ത്തിവച്ചു.
ഒരു പഞ്ചായത്ത് അംഗത്തിന്റെ ഫോണിലേക്കാണ് സന്ദേശം വന്നത്. വ്യാഴാഴ്ച രാത്രി 10 മണിയോടെയായിരുന്നു ഇത്. അധികൃതര്‍ പരിശോധന നടത്തിവരികയാണ്.
അന്തിക്കാട്‌, ഒളരി, അരിമ്പൂര്‍ എന്നീ പഞ്ചായത്തുകളിലെ ജലവിതരണം മുടങ്ങിയിരിക്കുകയാണ്‌. ഫോണ്‍ സന്ദേശത്തെക്കുറിച്ച് പൊലീസും അന്വേഷണം തുടങ്ങി.
