കൊച്ചി|
WEBDUNIA|
Last Modified വ്യാഴം, 25 നവം‌ബര്‍ 2010 (17:31 IST)
ബാംഗ്ലൂര്‍ സ്ഫോടനക്കേസിലെ പ്രതി തടിയന്റവിട നസീറിന്‍റെ കൂട്ടാളി കെ പി ഷബീര്‍ പിടിയില്‍.
എമിഗ്രേഷന്‍ ഉദ്യോഗസ്ഥരാണ് ഇയാളെ പിടികൂടിയത്. കോയമ്പത്തൂര്‍ പ്രസ് ക്ലബ് ബോംബ് സ്ഫോടനക്കേസിലും റഹിം പൂക്കുടശേരി വധശ്രമക്കേസിലും ഇയാള്‍ പ്രതിയാണ്. തീവ്രവാദക്കേസുകളിലെ പ്രധാന പ്രതി കെ പി സാബിറിന്‍റെ ഷബീര്‍ സഹോദരനാണ്.
ഇന്നുരാവിലെ മുംബൈ വിമാനത്താവളത്തില്‍ നിന്നുമാണ് ഇയാളെ അറസ്റ്റ് ചെയ്തത്. സൗദിയില്‍ നിന്ന് ആയിരുന്നു ഇയാള്‍ മുംബൈയിലെത്തിയത്. നേരത്തെ, ഷബീറിനെതിരേ ചെന്നൈ സിറ്റി പൊലീസ് കമ്മീഷണര്‍ ലുക്ക്‌ഔട്ട് നോട്ടീസ് പുറപ്പെടുവിച്ചിരുന്നു.
ഇതിന്‍റെ അടിസ്ഥാനത്തില്‍ എമിഗ്രേഷന്‍ ഉദ്യോഗസ്ഥരായിരുന്നു ഇയാളെ പിടികൂടിയത്. ഉച്ചയോടെ ഇയാളെ തമിഴ്നാട് പൊലീസിനു കൈമാറി. സംസ്ഥാനത്തെ തീവ്രവാദ പ്രവര്‍ത്തനങ്ങളുമായി ഇയാള്‍ക്കു ബന്ധമുണ്ട്.
