ശ്രീപദ്മനാഭസ്വാമി ക്ഷേത്രത്തില്‍ നടക്കുന്ന പ്രശ്നവിധിയില്‍ ക്ഷേത്രജീവനക്കാര്‍ ശുദ്ധവും വൃത്തിയുമില്ലാതെയും സദാചാര വിരുദ്ധമായും പെരുമാറുന്നു എന്ന് കണ്ടെത്തി. ക്ഷേത്രത്തിനുള്ളില്‍ വച്ച് അനാശാസ്യ പ്രവര്‍ത്തനങ്ങള്‍ നടന്നതായും പ്രശ്നത്തില്‍ കണ്ടു.
ജീവനക്കാര് നിവേദ്യം തയ്യാറാക്കുന്നതും ഭക്തരോട് പെരുമാറുന്നതും ഈശ്വരസേവയാണ് നടത്തുന്നത് എന്ന ചിന്തയോടെയല്ല. ക്ഷേത്രജീവനക്കാരുടെ പെരുമാറ്റം ദേവസാന്നിധ്യത്തിന് ദോഷമുണ്ടാക്കുന്നു. അഗ്നിഭയമുള്‍പ്പെടെയുള്ള ദോഷഫലങ്ങല്‍ കാണുന്നു എന്നും പ്രശ്നം നടത്തിയ മധൂര്‍ നാരായണ രംഗഭട്ടും ഇരിങ്ങാലക്കുട പദ്മനാഭ ശര്‍മ്മയും മാധ്യമ പ്രവര്‍ത്തകരോട് പറഞ്ഞു.ദോഷത്തിന്റെ അനന്തരഫലങ്ങള്‍ രാജ്യത്തിന്റെ ഭരണസംവിധാനത്തിനും ദോഷമുണ്ടാക്കുമെന്നും സര്‍ക്കാരുകള്‍ കാലാവധി തികയ്ക്കാനാകാതെ കുഴങ്ങുമെന്നും പ്രശ്നവിധികര്‍ത്താക്കള്‍ പറയുന്നു.
