മൂവാറ്റുപുഴ|
WEBDUNIA|
Last Modified വെള്ളി, 23 ജൂലൈ 2010 (15:08 IST)
ചോദ്യപേപ്പര്‍ വിവാദത്തെ തുടര്‍ന്ന് തൊടുപുഴ ന്യൂമാന്‍സ് കോളജ് അധ്യാപകനായ ടി ജെ ജോസഫിന്‍റെ കൈ വെട്ടിയ സംഭവവുമായി ബന്ധപ്പെട്ട് രണ്ട് പോപ്പുലര് ഫ്രണ്ട് പ്രവര്‍ത്തകര്‍ കൂടി അറസ്റ്റിലായി.
പോപ്പുലര് ഫ്രണ്ട് പ്രവര്‍ത്തകരായ അബ്ദുള്‍ സാലം, സിദ്ദിഖ്‌ എന്നിവരാണ് കൊച്ചിയില്‍ അറസ്റ്റിലായത്. കഴിഞ്ഞ ദിവസം നടന്ന റെയ്ഡുകളെ തുടര്‍ന്നാണ്‌ ഇവര്‍ പിടിയിലായത്‌.
അതേസമയം, അധ്യാപകന്റെ കൈ വെട്ടിയ കേസില്‍ ഒരു പ്രതിക്ക് കൂടി വേണ്ടി പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചു. പെരുമ്പാവൂര്‍ സ്വദേശിയും പോപ്പുലര്‍ഫ്രണ്ട്‌ പ്രവര്‍ത്തകനുമായ ഷംസുദീനുവേണ്ടിയാണ്‌ ലുക്ക് ഔട്ട് നോട്ടീസ് പുറപ്പെടുവിച്ചത്‌.
അധ്യാപകന്റെ കൈ വെട്ടിയ സംഘത്തില്‍ ഇയാളും ഉണ്ടായിരുന്നതായി പൊലീസ് പറഞ്ഞു. കേസില്‍ ഇതുവരെ നാലുപേര്‍ക്കായിട്ടാണ് ലുക്ക് ഔട്ട് നോട്ടീസ് പുറപ്പെടുവിച്ചിരിക്കുന്നത്. ഇതില്‍ യൂനിസിനെ കഴിഞ്ഞദിവസം പൊലീസ് പിടികൂടിയിരുന്നു. പ്രധാനപ്രതി നാസര്‍ ഉള്‍പ്പടെയുള്ളവര്‍ ഇപ്പോഴും ഒളിവിലാണ്‌.
