കെ എം മാണിയുടെ മകന്‍ ജോസ് കെ മാണി മത്സരിക്കുന്ന കോട്ടയം സീറ്റില്‍ എതിര്‍സ്ഥാനാര്‍ഥി മാത്യു ടി തോമസ് ആയിരിക്കുമെന്നായിരുന്നു സൂചന. എന്നാല്‍ മാത്യൂ ടി തോമസ് താന്‍ നിലവില്‍ എം‌എല്‍‌എയാണെന്ന കാരണം പറഞ്ഞ് പിന്‍‌വാങ്ങുകയായിരുന്നു.
വെള്ളിയാഴ്ച രാവിലെയും പാര്‍ട്ടി സീനിയര്‍ പ്രസിഡന്റ് അഡ്വ. ജോര്ജ് തോമസിന്റെ പേരാണ് ഉയര്‍ന്നുകേട്ടത്. സംസ്ഥാനകമ്മിറ്റിയോഗം തയ്യാറാക്കിയ പാനലില്‍ ജോര്ജ് തോമസിനുപുറമെ സംസ്ഥാനസമിതിയംഗം ബെന്നി കുര്യന്റെ പേരും ഉള്‍പ്പെടുത്തിയിരുന്നു.
