തിരുവല്ല |
M. RAJU|
Last Modified ചൊവ്വ, 22 ജനുവരി 2008 (15:10 IST)
തിരുവല്ലയില്‍ നടക്കുന്ന വി.എച്ച്.എസ്.സി കലോത്സവത്തില്‍ തൃശൂര്‍ മേഖല 110 പോയിന്‍റുമായി മുന്നിട്ട് നില്‍ക്കുന്നു. 23 മത്സരങ്ങളുടെ ഫലം പുറത്തുവന്നു.
101 പോയിന്‍റുമായി വടകര മേഖല രണ്ടാം സ്ഥനത്ത് തുടരുന്നു. 98 പോയിന്‍റുമായി എറണാകുളമാണ് മൂന്നാമത്. കലോത്സവത്തിന്‍റെ രണ്ടാം ദിവസമായ ഇന്ന് നൃത്ത ഇനങ്ങളിലുള്ള മത്സരമാണ് പ്രധാനമായും നടക്കുന്നത്. രാവിലെ പത്ത് മണിക്ക് തുടങ്ങിയ ആണ്‍‌കുട്ടികളുടെ ഭരതനാട്യ മത്സരം പൂര്‍ത്തിയായി.
പെണ്‍കുട്ടികളുടെ ഭരതനാട്യ മത്സരം ഇപ്പോള്‍ നടക്കുകയാണ്. മോണോ ആക്ട്, മിമിക്രി, നാടകം എന്നീ ഇനങ്ങളിലും മത്സരം പുരോഗമിക്കുന്നു. രാവിലെ മത്സരങ്ങള്‍ ഒരു മണിക്കൂര്‍ താമസിച്ചാണ് ആരംഭിച്ചത്. അതിനാല്‍ പല മത്സരങ്ങളും നേരത്തെ നിശ്ചയിച്ച സമയത്ത് പൂര്‍ത്തിയാക്കാനായില്ല.
