നടിയെ ആക്രമിച്ച കേസുമായി ബന്ധപ്പെട്ട് നാലു തവണയും കോടതി ജാമ്യം നിഷേധിക്കപ്പെട്ട നടന്‍ ദിലീപിനു വേണ്ടി മറ്റുള്ളവരെ വെല്ലുവിളിക്കുകയും മഹസമ്മേളനം നടത്താന്‍ അഹ്വാനം ചെയ്യുകയും ചെയ്യുന്നവര്‍ ഗുര്‍മീത് ആരാധകരുടെ മലയാളി പതിപ്പുകള്‍ ആണെന്ന് കവിയും നാടകകൃത്തുമായ കരിവെള്ളൂർ മുരളി.

എന്നും എപ്പോഴും അവളോടൊപ്പമാണെന്ന് മുരളി തന്റെ ഫേസ്ബുക്ക് കുറിപ്പില്‍ വ്യക്തമാക്കുന്നുണ്ട്. സൂപ്പര്‍ താരാധിപത്യവും ആണധികാര വ്യവസ്ഥയും മാഫിയ മൂലധന ശക്തികളും ക്രിമിനല്‍ സംഘങ്ങളുടെ സ്വഭാവമാര്‍ജ്ജിച്ച ഫാന്‍സും ഒക്കെ ഒരു ഭാഗത്തും ആക്രമിക്കപ്പെട്ട നിസ്സഹായയായ ഒരു പെണ്‍കുട്ടി മറു ഭാഗത്തുമായി വിഭജിക്കപ്പെട്ട ഒരു വിഷയത്തില്‍ മൗനവും നിഷ്പക്ഷതയും ചരിത്രത്തോടുള്ള കുറ്റ കൃത്യമാണെന്ന് അദ്ദേഹം പറയുന്നു.

കരിവെള്ളൂർ മുരളിയുടെ ഫെയ്സ്ബുക് കുറിപ്പ്–