എൻജിനിയറിംഗ് വിദ്യാർത്ഥിനി ആത്മഹത്യ ചെയ്തു. ഹൈദരാബാദ് സ്വദേശിനിയായ മോണിക്ക സി ആണ് ആത്മഹത്യ ചെയ്തത്. ദു:ഖസൂചകമായ ഇമോജിയോടൊപ്പം ഇന്‍സ്റ്റഗ്രാമില്‍ പോസ്റ്റ് ചെയ്ത ശേഷമാണ് മോണിക്ക ആത്മഹത്യ ചെയ്തത്.

'കുറച്ച് ദിവസമായിട്ട് സന്തോഷവതിയായിരിക്കാൻ എനിക്ക് പേടിയാണ്. ഞാൻ സന്തോഷത്തോടെ ഇരിക്കുന്നത് കാണാൻ ആർക്കും ഇഷ്ടമല്ല. എനിക്കറിയില്ല എന്തുകൊണ്ടാണിതെന്ന്. എന്റെ ജീവിതത്തിലെ ഓരോ നിമിഷവും അത്രയധികം വഷളാവുകയാണ്.' എന്നായിരുന്നു മോണിക്കയുടെ ആത്മഹത്യാ കുറിപ്പിൽ എഴുതിയിരുന്നത്.

ഹൈദരാബാദ് വീട്ടിനുള്ളിലെ തന്റെ മുറിയിലാണ് മോണിക്കയെ തൂങ്ങിമരിച്ച നിലയിൽ കണ്ടെത്തിയത്. അമ്മയുമായി വഴക്കിട്ടതിനെ തുടർന്നാണ് മോണിക്ക ആത്മഹത്യ ചെയ്തതെന്ന് ബന്ധുക്കൾ പറയുന്നു. പൊലീസ് അന്വേഷണം ആരംഭിച്ചിരിക്കുകയാണ്.
മോണിക്ക ഇന്‍സ്റ്റഗ്രാമിലിട്ട ആത്മഹത്യാക്കുറിപ്പ്. കടപ്പാട്:എന്‍.ഡി.ടി.വി