കൊല്ലൂര്|
WEBDUNIA|
Last Modified ശനി, 16 ഒക്‌ടോബര്‍ 2010 (11:26 IST)
ഇന്ന് മഹാനവമി. സംസ്ഥാനത്തെ ക്ഷേത്രങ്ങളില്‍ മഹാനവമി, വിജയദശമി ആഘോഷങ്ങളോട് അനുബന്ധിച്ച് വന്‍ ഭക്തജനത്തിരക്ക് ആണ് അനുഭവപ്പെടുന്നത്. കൊല്ലൂര് മൂകാംബിക ക്ഷേത്രത്തില്‍ നവരാത്രി ആഘോഷങ്ങളിലെ മുഖ്യചടങ്ങായ രഥോത്സവം ഇന്ന് രാത്രി നടക്കും.
മുന്‍വര്‍ഷങ്ങളെ അപേക്ഷിച്ച്‌ ഇത്തവണ മഹാനവമി ദിനത്തില്‍ കൊല്ലൂരില്‍ വന്‍ തിരക്കാണ് അനുഭവപ്പെടുന്നത്. ഇതില്‍ ഭൂരിഭാഗവും മലയാളികളാണ്‌. വൈകിട്ട്‌ ആറുമണിയോടെ ദേവിയുടെ രഥാരോഹണം നടക്കും. തുടര്‍ന്നാണ്‌ രഥോല്‍സവം. ദേവീ വിഗ്രഹം വഹിച്ചുകൊണ്ടുള്ള പുഷ്പരഥം രഥവീഥിയില്‍ പ്രദക്ഷിണം വയ്ക്കുന്നതാണ്‌ ചടങ്ങ്‌.
