ചേര്‍ത്തല അര്ത്തുങ്കല് പള്ളിയില്‍ ഇന്ന് വിശുദ്ധപെരുന്നാള്. പെരുന്നാളിനോടനുബന്ധിച്ച് ദിവ്യബലിയും തിരുനാള്‍ പൊന്തിഫിക്കല് സമൂഹ ബലിയും നടന്നു. ആലപ്പുഴ രൂപതാ ബിഷപ്‌ ഡോ. സ്‌റ്റീഫന്‍ അത്തിപൊഴിയിലിന്‍റെ കാര്‍മികത്വത്തിലായിരുന്നു സമൂഹബലി.
വിശുദ്ധ സെബസ്ത്യാനോസിന്റെ തിരുനാള്‍ ദിനമായ ഇന്ന് സെബസ്ത്യാനോസിന്റെ തിരുസ്വരൂപം വഹിച്ചുകൊണ്ടുള്ള എഴുന്നള്ളത്ത്‌ വൈകുന്നേരം നടക്കും. പള്ളിയില്‍ നടക്കുന്ന തിരുനാള്‍ ദിവ്യബലിക്ക്‌ ആലപ്പുഴ രൂപതാ വികാരി ജനറാള് മോണ്. ആന്റണി തേറാത്ത് കാര്‍മികത്വം വഹിക്കും.
പതിനായിരക്കണക്കിന് വിശ്വാസികളാണ് തിങ്കളാഴ്ച വെളുത്തച്ചന്‍റെ തിരുസ്വരൂപം വണങ്ങി അനുഗ്രഹം നേടാനെത്തിയത്.
