മലങ്കര ഓര്‍ത്തോഡോക്സ് സഭയുടെ ഇടുക്കി ഭദ്രാസനാധിപന്‍ ഔഗേന്‍ മാര്‍ ദിവന്യാസിയോസ് (55) കാറപകടത്തില്‍ മരിച്ചു. കോട്ടയം ജില്ലയിലെ പൊന്‍‌കുന്നത്ത് വച്ചായിരുന്നു അപകടം.
ഭദ്രാസനാധിപന്‍ സഞ്ചരിച്ചിരുന്ന സ്കോര്‍പ്പിയോ കാര്‍ ബസുമായി കൂട്ടിയിടിച്ചാണ് അപകടമുണ്ടായത്. സംഭവ സ്ഥലത്ത് വച്ച് തന്നെ അദ്ദേഹം മരിച്ചു. മൃതദേഹം ഫയര്‍ ഫോഴ്സിന്‍റെ ആബുലന്‍സില്‍ കോട്ടയം മെഡിക്കല്‍ കോളജിലേക്ക് കൊണ്ടുപോയി.
സഭാനേതാക്കാളെല്ലാം സംഭവസ്ഥലത്ത് എത്തിയിട്ടുണ്ട്. 2004 ജൂണിലാണ് ഔഗേന്‍ മാര്‍ ദിവന്ന മെത്രപ്പോലീത്തയായി അഭിഷേകം ചെയ്യപ്പെട്ടത്.
