ആറാം ക്ലാസുകാരിയെ പീഡിപ്പിച്ച സഹോദരന്‍ അറസ്റ്റില്‍
ചേര്‍ത്തല|
WEBDUNIA|
PRO
PRO
ആറാം ക്ലാസില്‍ പഠിക്കുന്ന സഹോദരിയെ പീഡിപ്പിച്ച യുവാവ് അറസ്റ്റില്‍. ചേര്‍ത്തല തൈക്കോട്ട്‌ശ്ശേരിയിലാണ് സംഭവം. 24 കാരനായ അജിത്ത് കുമാറാണ് സഹോദരിയെ പീഡിപ്പിച്ചതുമായി ബന്ധപ്പെട്ട് ചേര്‍ത്തല പൊലീസ് അറസ്റ്റ് ചെയ്തത്. പീഡനത്തിനിരയായ പെണ്‍കുട്ടിയെ വൈദ്യ പരിശോധനയ്ക്ക് വിധേയയാക്കി.
പീഡനത്തിനിരയായ പെണ്‍കുട്ടിയുടെ പിതാവിന്റെ ആദ്യഭാര്യയിലെ മകനാണ് അജിത്ത്. ഏറെ നാളായി ഇയാള്‍ കുട്ടിയ പീഡിപ്പിച്ചുവരികയായിരുന്നു. വീട്ടില്‍ ആരുമില്ലാത്ത സമയങ്ങളിലാണ് അജിത്ത് പെണ്‍കുട്ടിയെ പീഡിപ്പിച്ചതെന്ന് പൊലീസ് പറഞ്ഞു. ചേര്‍ത്തല സിഐയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
ചേര്‍ത്തലയിലുള്ള ഹൈസ്‌ക്കൂളിലെ വിദ്യാര്‍ത്ഥിയാണ് പീഡനത്തിനിരയായത്. എറണാകുളത്തെ ഒരു സ്വകാര്യ കോളേജില്‍ നിന്നെത്തിയ വിദ്യാര്‍ത്ഥികള്‍ സ്‌കൂളില്‍ കൗണ്‍സിലിംഗ് നടത്തിയപ്പോഴാണ് പീഡന രഹസ്യം പുറത്താവുന്നത്. വിദ്യാര്‍ത്ഥിനിയെ ജില്ലാ ശിശുക്ഷേമ സമിതി ആലപ്പുഴ സ്‌കൂളിലേക്ക് മാറ്റി.
