നടി ആക്രമിക്കപ്പെട്ടക്കേസില്‍ റിമാന്‍ഡില്‍ കഴിയുന്ന നടന്‍ ദിലീപിന്റെ ജാമ്യ ഹര്‍ജിയില്‍ ഓഗസ്റ്റ് 29ന് ഹൈക്കോടതി വിധി പറയും. ഓഗസ്റ്റ് 11ന്നിനാണ് ദിലീപ് ജാമ്യ ഹര്‍ജി നല്‍കിയത്. രണ്ട് ദിവസമാണ് വാദം നടന്നത്. വിശദമായ വാദമായിരുന്നു ദിലീപിന്റെ അഭിഭാഷകന്‍ ബി രാമന്‍‌പിള്ളയും പ്രോസിക്യൂഷനും നടത്തിയത്.

ജാമ്യ ഹര്‍ജിയില്‍ നാളെ ദിലീപിന് ജാമ്യം ലഭിക്കുമെന്ന് തന്നെയാണ് താരത്തിന്റെ അടുത്ത സുഹൃത്തുക്കളും ആരാധകരും കുടുംബവും കരുതുന്നത്. ദിലീപിന് ജാമ്യം ലഭിച്ച് താരം തിരിച്ചെത്തുമെന്നും സന്തോഷകരമായി കാവ്യയും മീനാക്ഷിക്കുമൊപ്പം ജീവിക്കണമെന്നും ദിലീപിന്റെ ഫാന്‍സ് പറയുന്നു. ദിലീപിന്റെ ഔദ്യോഗിക ഫാന്‍ പേജായ ദിലീപ് ഓണ്‍ലൈന്ഇല്‍ വന്ന പോസ്റ്റ് ഇതിനോടകം വൈറലായി കഴിഞ്ഞു.

പോസ്റ്റിന്റെ പൂര്‍ണരൂപം:

ദിലീപേട്ടാ തിരിച്ചു വന്നു നിങ്ങള്‍ സന്തോഷമായി ജീവിച്ചു കാണിച്ചു കൊടുക്ക്. നിങ്ങളെ ഇല്ലാതാക്കാനും നിങ്ങളുടെ പതനം കാണാന്‍ കാത്തിരിക്കുന്നവര്‍ക്കും മുന്നില്‍ തോറ്റു കൊടുക്കരുത്. വീണ കല്ല് ചവിട്ടു പടി ആക്കി കേറി വരുന്ന ദിലീപേട്ടനെ ഞങ്ങള്‍ക്ക് അറിയാം. അതിനു നിങ്ങള്‍ക്ക് കഴിയും, കാരണം ദിലീപേട്ടന്റെ കുടുംബവും ദിലീപേട്ടനെ ഇഷ്ട്ടപെടുന്ന പ്രേക്ഷക സമൂഹവും നിങ്ങളുടെ കൂടെ പൂര്‍ണ പിന്തുണ ആയി ഉണ്ട്. ഒരു കാര്യത്തിൽ വളരെ സന്തോഷം ഉണ്ട്. നിങ്ങളുടെ തീരുമാനം ശരി ആണെന്ന് മനസ്സിലാക്കി തന്ന ദിവസങ്ങള്‍. മീനാക്ഷിക്ക് എല്ലാ സപ്പോര്‍ട്ടും ആയി എപ്പോളും കൂടെ നിന്നു കാവ്യയ്ക്ക് ആ കുഞ്ഞു മനസ്സിനെ പതറാതെ പിടിച്ചു നിറുത്താന്‍ കഴിഞ്ഞു. ആരുടെ മുന്നിലും തോല്‍ക്കാന്‍ ആ മകള്‍ക്കും മനസ്സില്ല എന്നാ ഉറച്ച തീരുമാനമായി മുന്നോട്ട്.