മുടി മുറിച്ച് പൊതുചടങ്ങിൽ അവതാരകയായി എത്തിയ അദ്ധ്യാപികയെ അഭിനന്ദിച്ച് മുഖ്യമന്ത്രി പിണറായി വിജയൻ. കണ്ണൂർ ചിന്മയ വിദ്യാലയത്തിലെ അദ്ധ്യാപികയായ ആനന്ദജ്യോതിയെയാണ് മുഖ്യമന്ത്രി പരസ്യമായി അഭിനന്ദിച്ചത്.

മുടി പറ്റെ വെട്ടിയ നിലയിലാണ് അവതാരകയായ ആനന്ദജ്യോതി ചടങ്ങിനെത്തിയത്. 'എന്റെ മുടി കണ്ട് ആണാണെന്ന് വിചാരിക്കരുതെന്നും രോഗികൾക്ക് വിഗ് നിർമ്മിച്ച് നൽകുന്നൊരു സംഘടനയ്ക്ക് സംഭാവന ചെയ്യാനാണ് മുടി മുറിച്ചതെന്നും ജ്യോതി ചടങ്ങ് തുടങ്ങുന്നതിനു മുൻപ് വ്യക്തമാക്കിയിരുന്നു.

'ഇവർ ആണുങ്ങളെ പോലെയാകാൻ വേണ്ടിയാണ് മുടി മുറിച്ചതെന്ന് നിങ്ങൾ വിചാരിക്കരുത്, നല്ലൊരു കാര്യത്തിനു വേണ്ടി ചെയ്തതാണ്, നിങ്ങൾക്കും അങ്ങനെ ചെയ്യാവുന്നതാണ്' എന്ന് തൊട്ടുപിന്നാലെ ഉദ്ഘാടന പ്രസംഗത്തിനെത്തിയ മുഖ്യമന്ത്രി പറഞ്ഞു.