വ്ലോഗർ റിഫാ മെഹ്നുവിന്റെ മരണത്തിൽ ഭർത്താവ് മെഹ്നാസിനെതിരെ ലുക്കൗട്ട് നോട്ടീസ് പുറപ്പെടുവിച്ചു. തുടർച്ചയായി പോലീസ് ആവശ്യപ്പെട്ടിട്ടും മെഹ്നാസ് ചോദ്യം ചെയ്യലിന് ഹാജരായിരുന്നില്ല. ഇതേ തുടർന്നാണ് പോലീസ് ‌ലുക്കൗട്ട് നോ‌ട്ടീസ് പുറപ്പെടുവിച്ചത്.

തിങ്കളാഴ്‌ച്ച സ്റ്റേഷനിൽ ഹാജരാകണമെന്ന് മെഹ്നാസിനോട് പോലീസ് ആവശ്യപ്പെട്ടിരുന്നു. നിലവില്‍ മെഹ്നാസിനെതിരെ ആത്മഹത്യാ പ്രേരണാക്കുറ്റം ചുമത്തി കേസെടുത്തിട്ടുണ്ട്. റിഫയുടെ കുടുംബത്തിന്റെ പരാതിയെ തുടർന്ന് കഴിഞ്ഞ ദിവസം റിഫയുടെ മൃതദേഹം പുറത്തെ‌ടുത്ത് പരിശോധന നടത്തിയി‌രുന്നു. ഇതിൽ റിഫയുടെ കഴുത്തിൽ ആഴത്തിലുള്ള അടയാളം കണ്ടെത്തിയിരുന്നു.