അനുബന്ധ വാര്ത്തകള്
- സംസ്ഥാനത്ത് ഇന്ന് 6186 പേർക്ക് കൊവിഡ്, 26 മരണം, മരണസംഖ്യ 3,500 കടന്നു
- തിരുവനന്തപുരം മെഡിക്കല് കോളേജില് ഇന്നലെ വാക്സിനേഷന് കേന്ദ്രം ആരംഭിച്ചു; ഇന്ന് ജില്ലയിലെ വിവിധ ആശുപത്രികളില് ആരംഭിക്കും
- പാലക്കാട് ജില്ലയില് ഇതുവരെ കോവിഡ് വാക്സിന് ഒന്നാം ഡോസ് കുത്തിവെപ്പെടുത്തത് 1514 പേര്
- തിരുവനന്തപുരം വിമാനത്താവള നടത്തിപ്പ് അദാനിക്ക്: 50 വർഷത്തിന് കരാർ
- ജീവകാരുണ്യപ്രവര്ത്തനം: നടന് ബാലയ്ക്ക് ഡോക്ടറേറ്റ്
ലിംഗമാറ്റ ശസ്ത്രക്രിയയ്ക്ക് വിധേയരായ 30 ട്രാന്സ്ജെന്ഡര് വ്യക്തികള്ക്ക് സാമൂഹ്യനീതി വകുപ്പ് 32,91,716 രൂപ അനുവദിച്ചു
ലിംഗമാറ്റ ശസ്ത്രക്രിയയ്ക്ക് വിധേയരായ 30 ട്രാന്സ്ജെന്ഡര് വ്യക്തികള്ക്ക് സാമൂഹ്യനീതി വകുപ്പ് 32,91,716 രൂപ അനുവദിച്ച് ഉത്തരവായതായി ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. സാമൂഹ്യനീതി വകുപ്പ് മുഖേന ട്രാന്സ്ജെന്ഡര് സമൂഹത്തിന്റെ ഉന്നമനത്തിന് നടപ്പാക്കിവരുന്ന ക്ഷേമപദ്ധതികളില് പ്രധാനപ്പെട്ടതാണ് ലിംഗഭേദവുമായി ബന്ധപ്പെട്ട് പ്രതിസന്ധികള്ക്ക് പരിഹാരമായ ലിംഗമാറ്റ ശസ്ത്രക്രിയ നടത്തുന്നതിനുള്ള ധനസഹായം.
സ്ത്രീയില് നിന്ന് പുരുഷനിലേയ്ക്ക് (ട്രാന്മെന്) മാറാനുള്ള ശസ്ത്രക്രിയയ്ക്കായി പരാമാവധി 5 ലക്ഷം രൂപയായും, പുരുഷനില് നിന്നും സ്ത്രീയിലേയ്ക്ക് (ട്രാന്സ് വുമണ്) മാറാനുള്ള ശസ്ത്രക്രിയയ്ക്ക് പരമാവധി 2.50 ലക്ഷം രൂപയായും വര്ദ്ധിപ്പിച്ച് 54 ലക്ഷം രൂപ അനുവദിച്ചിരുന്നു. ഈ ലിസ്റ്റില് പെടാതെപോയ 30 ട്രാന്സ്ജെന്ഡര് വ്യക്തികള്ക്ക് (ട്രാന്സ് വുമണ്) കൂടി ധനസഹായം നല്കാനായാണ് തുക അനുവദിച്ചതെന്നും മന്ത്രി വ്യക്തമാക്കി.
