അനുബന്ധ വാര്ത്തകള്
- ഡ്രില്ലിങ് മെഷീൻ തലയിൽ തുളച്ച് കയറി; രണ്ടര വയസുകാരന് ദാരുണാന്ത്യം
- Sabarimala: ശബരിമല സ്വർണപ്പാളി കേസ്: ഉണ്ണികൃഷ്ണൻ പോറ്റി വൻ തട്ടിപ്പ് നടത്തിയതായി വിജിലൻസ് റിപ്പോർട്ട്
- Suresh Gopi: 'എന്നെ ഒഴിവാക്കി സദാനന്ദനെ മന്ത്രിയാക്കണം'; കേന്ദ്രമന്ത്രി സ്ഥാനത്ത് നിന്നും തന്നെ നീക്കണമെന്ന് സുരേഷ് ഗോപി
- Dulquer Salman: ദുൽഖറിന്റെ കാർ വിട്ടു നൽകുമോ? കസ്റ്റംസിന് അപേക്ഷ നൽകി നടൻ
- സോനയുടെ ആത്മഹത്യ; 'ലവ് ജിഹാദ്' അല്ലെന്ന് പൊലീസ്, റമീസ് നിർബന്ധിത മതപരിവർത്തനം നടത്തിയിട്ടില്ലെന്ന് കുറ്റപത്രം
ദാരുണാപകടം: കിണറ്റില് ചാടിയ യുവതിയെ രക്ഷിക്കാന് ശ്രമിക്കുന്നതിനിടെ ഫയര്ഫോഴ്സ് ഉദ്യോഗസ്ഥനടക്കം മൂന്നുപേര് മരണപ്പെട്ടു
കൊല്ലം നെടുവത്തൂരിലാണ് സംഭവം.
കിണറ്റില് ചാടിയ യുവതിയെ രക്ഷിക്കാന് ശ്രമിക്കുന്നതിനിടെ ഫയര്ഫോഴ്സ് ഉദ്യോഗസ്ഥനടക്കം മൂന്നുപേര് മരണപ്പെട്ടു. കൊല്ലം നെടുവത്തൂരിലാണ് സംഭവം. നെടുവത്തൂര് സ്വദേശിനി 33 കാരിയായ അര്ച്ചന, കൊട്ടാരക്കര ഫയര് ആന്ഡ് റെസ്ക്യു യൂണിറ്റ് അംഗമായ ആറ്റിങ്ങല് സ്വദേശി 36 കാരനായ സോണി കുമാര്, യുവതിയുടെ സുഹൃത്ത് 22 കാരനായ ശിവ കൃഷ്ണന് എന്നിവരാണ് മരിച്ചത്.
ഇന്ന് പുലര്ച്ചയായിരുന്ന സംഭവം. രക്ഷാപ്രവര്ത്തനത്തിനിടെ കിണറിന്റെ കൈവരി ഇടിഞ്ഞു വീണതാണ് അപകടത്തിന് കാരണമായത്. മൂന്ന് കുട്ടികളുടെ അമ്മയാണ് മരണപ്പെട്ട അര്ച്ചന. കിണറിന് 80 അടി താഴ്ച ഉണ്ടായിരുന്നു. പുലര്ച്ചെ 12 കാലോടെയാണ് കൊട്ടാരക്കര ഫയര്ഫോഴ്സിന് അപകട വിവരം ലഭിക്കുന്നത്. ഫയര്ഫോഴ്സ് ഉദ്യോഗസ്ഥനായ സോണി കിണറ്റില് നിന്ന് റോപ് ഉപയോഗിച്ച് യുവതിയെ മുകളിലേക്ക് കയറ്റാന് ശ്രമിക്കുമ്പോഴാണ് കൈവരിയിടിഞ്ഞ് അപകടം ഉണ്ടായത്. അപകട സമയത്ത് കിണറ്റിന്റെ അരികില് നില്ക്കുകയായിരുന്ന അര്ച്ചനയുടെ സുഹൃത്ത് ശിവകൃഷ്ണന് കിണറ്റിലേക്ക് വീഴുകയായിരുന്നു.
ശിവ കൃഷ്ണനും അര്ച്ചനയും കുറച്ചു നാളായി ഒരുമിച്ചായിരുന്നു താമസം. ഇവര് തമ്മിലുള്ള തര്ക്കത്തിന് പിന്നാലെയാണ് യുവതി കിണറ്റിലേക്ക് ചാടാന് കാരണമെന്നാണ് പ്രാഥമിക നിഗമനം. അപകട സമയത്ത് മദ്യലഹരിയിലായിരുന്നു ശിവ കൃഷ്ണന് എന്നാണ് ലഭിക്കുന്ന വിവരം.
