സിആര്‍ രവിചന്ദ്രന്‍|
Last Modified ഞായര്‍, 12 ഫെബ്രുവരി 2023 (16:45 IST)
തൃശൂരില്‍ ഓടിക്കൊണ്ടിരുന്ന കെഎസ്ആര്‍ടിസി ബസിന് തീപിടിച്ചു. നിലമ്പൂരില്‍ നിന്നും കോട്ടയത്തേക്ക് പുറപ്പെട്ട കെഎസ്ആര്‍ടിസി ബസ്സിനാണ് തീപിടിച്ചത്. നിലമ്പൂര്‍ ഡിപ്പോയിലെ കെഎസ്ആര്‍ടിസി സൂപ്പര്‍ ഫാസ്റ്റ് ബസ്സിന് ഇന്നു കാലത്ത് 11.10 ന് മുതുവറയില്‍ വെച്ചാണ് തീപിടിച്ചത്.
തീ ഉയരുന്നത് ശ്രദ്ധയില്‍പ്പെട്ട ഉടനെ ഡ്രൈവര്‍ സജീവ് വണ്ടി നിര്‍ത്തി. പിന്നാലെ യാത്രക്കാരെ പുറത്തിറക്കി ബസ്സില്‍ സൂക്ഷിച്ചിരുന്ന ഫയര്‍ എക്സ്റ്റിങ്ങ്യൂഷര്‍ ഉപയോഗിച്ച് തീ കെടുത്തി. അടിയന്തിര സഹായത്തിനായി അഗ്നിരക്ഷാ സേനയേയും ബന്ധപ്പെട്ടു.
