ശ്രീനു എസ്|
Last Modified ശനി, 23 ജനുവരി 2021 (08:17 IST)
കെഎസ്ആര്‍ടിസി ബസ് കടയിലേക്ക് ഇടിച്ചു കയറി രണ്ടുപേര്‍ മരിച്ചു.
തിരുവല്ല പെരുന്തുരുത്തിയിലെ കെഎസ്ആര്‍ടിസി ബസാണ് അപകടത്തിന് കാരണമായത്. ചെങ്ങന്നൂര്‍ പെരളശ്ശേരി സ്വദേശി ജെയിംസ് ചാക്കോ(31)യും ചെങ്ങന്നൂര്‍ വെണ്‍മണി പുലക്കടവ് ആന്‍സി ഭവനത്തില്‍ ആന്‍സി(27) എന്നിവരാണ് മരിച്ചത്. ഇരുവരും ബൈക്കില്‍ യത്ര ചെയ്യുകയായിരുന്നു. സംഭവത്തില്‍ 22ഓളം പേര്‍ക്ക് പരിക്കേറ്റിട്ടുണ്ട്.
അപകടത്തില്‍ മരിച്ചവര്‍ തമ്മില്‍ വിവാഹം നിശ്ചയിച്ചിരുന്നതായിരുന്നു. അപകടത്തില്‍ പാലക്കാട് സ്വദേശിയായ സുഭാഷിന് ഗുരുതരമായി പരിക്കേറ്റിട്ടുണ്ട്. ഇയാളെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ബൈക്ക് യാത്രികരെ ഇടിച്ചു തെറിപ്പിച്ച ശേഷം ബസ് സമീപത്തെ എമിറേറ്റ്‌സ് ഒപ്റ്റിക്കല്‍സ് എന്ന സ്ഥാപനത്തിലേക്ക് ഇടിച്ചുകയറുകയായിരുന്നു.
