മഷിനോട്ടക്കാരനെ ബോധംകെടുത്തിയ ശേഷം കെട്ടിയിട്ട് 7.25 പവൻ സ്വർണവും മൊബൈൽ ഫോണും തട്ടിയെടുത്തു. ചൊവ്വാഴ്ച ഉച്ചയ്ക്ക് 12 മണിയോടെയാണ് സംഭവം. മഷിനോട്ടക്കാരനായ തൈക്കൂട്ടത്തിൽ വിജയൻ (62) എന്നയാളെയാണ് മോഷ്ടാക്കൾ ആക്രമിച്ച് കവർച്ച നടത്തിയത്.

കൊടുങ്ങല്ലൂർ സ്വദേശിയായ ഇയാൾ കഴിഞ്ഞ 3 വർഷമായി പെരുവാരത്തു വീടു വാടകയ്ക്കെടുത്ത് മഷിനോട്ടം നടത്തി വരികയായിരുന്നു. ധാരാളം പേർ മഷിനോട്ടം നടത്തുന്നതിനായി ഇവിടെ എത്തിയിരുന്നു. ഇന്നലെ മഷിനോട്ടത്തിനെന്ന വ്യാജേന എത്തിയാണ് മോഷ്ടാക്കൾ കവർച്ച നടത്തിയത്.