അനുബന്ധ വാര്ത്തകള്
- 'എല്ലാ പ്രശ്നങ്ങൾക്കും കാരണം സിനിമയാണെന്ന് പറയരുത്': സുരേഷ് ഗോപി
- 'സമരം ചെയ്യുന്നത് ഈര്ക്കില് സംഘടനകള്': ആശാവര്ക്കര്മാരുടെ സമരത്തെ വീണ്ടും പരിഹസിച്ച് എളമരം കരിം
- മുസ്ലീം യുവതിക്ക് സ്വത്തിൽ പുരുഷന് തുല്യമായ അവകാശം, വിപി സുഹറയുടെ നിവേദനം സ്വീകരിച്ച് കിരൺ റിജുജു, നിയമ നിർമാണം ഉടനെന്ന് റിപ്പോർട്ട്
- ആശാവര്ക്കര്മാരുടെ സമരത്തിന് പിന്നില് അരാജക ശക്തികളെന്ന് എം വി ഗോവിന്ദന്; ആശാവര്ക്കര്മാര് ബിജെപിയുടെ ചട്ടുകമായി മാറിയെന്നാണ് പികെ ശ്രീമതി
- സമരം ചെയ്യുന്ന ആശാവര്ക്കര്മാര് ഉടന് ജോലിയില് പ്രവേശിക്കണം; നാഷണല് ഹെല്ത്ത് മിഷന് സ്റ്റേറ്റ് ഡയറക്ടറുടെ അന്ത്യശാസനം
സമരം ചെയ്യുന്ന ആശാവര്ക്കര്മാരെ പിരിച്ചുവിട്ടാല് കേന്ദ്രഭരണ ഫണ്ട് തടയും: സുരേഷ് ഗോപി
സമരം ചെയ്യുന്ന ആശാവര്ക്കര്മാരെ പിരിച്ചുവിട്ടാല് കേന്ദ്രഭരണ ഫണ്ട് തടയുമെന്ന് കേന്ദ്ര മന്ത്രി സുരേഷ് ഗോപി. ആശാവര്ക്കര്മാരുടെ സമരപന്തല് സന്ദര്ശിക്കവെയാണ് അദ്ദേഹം ഇക്കാര്യം പറഞ്ഞത്. ആശാവര്ക്കര്മാരുടെ ആവശ്യങ്ങള് കേന്ദ്രസര്ക്കാരിനെ അറിയിക്കുമെന്നും അദ്ദേഹം പറഞ്ഞു.
ആശാവര്ക്കര്മാര്ക്ക് അരക്ഷിതാവസ്ഥയുണ്ടാവുന്നുണ്ടെങ്കില് പ്രധാനമന്ത്രിയെയും കേന്ദ്ര ആരോഗ്യമന്ത്രിയെയും വിവരം ധരിപ്പിക്കുമെന്നും മാനദണ്ഡങ്ങള് പരിശോധിക്കുവാന് പ്രധാനമന്ത്രിയോട് ആവശ്യപ്പെടുമെന്നും അദ്ദേഹം പറഞ്ഞു. താന് സമരത്തിന്റെ ഭാഗമല്ല, സമരം ചെയ്യുന്ന മനുഷ്യരെ കാണാനാണ് വന്നത്. അവരെ കേട്ടുവെന്നും അവരുടെ പ്രശ്നങ്ങള് എത്തിക്കേണ്ടിടത്ത് എത്തിക്കുമെന്നും അദ്ദേഹം പറഞ്ഞു.
സംസ്ഥാന സര്ക്കാര് സമരം ചെയ്യുന്ന ആശാവര്ക്കര്മാരെ പിരിച്ചുവിടാനുള്ള നടപടിയെടുത്താല് കേന്ദ്ര ഫണ്ട് തടയുമെന്നും ആശാവര്ക്കര്മാരോട് സുരേഷ് ഗോപി പറഞ്ഞു.
