1. വാര്‍ത്താലോകം
  2. വാര്‍ത്ത
  3. കേരള വാര്‍ത്ത
  4. SSLC Say exams starts from june 7

സേ പരീക്ഷ ജൂൺ 7 മുതൽ: സർട്ടിഫിക്കറ്റ് ജൂൺ ആദ്യവാരം ഡിജി ലോക്കറിൽ: പ്ലസ് വൺ ക്ലാസുകൾ ജൂലായ് 5 മുതൽ

SSLC
എസ്എസ്എൽസി ഉത്തരക്കടലാസുകളുടെ പുനർമൂല്യനിർണയം, സൂക്ഷ്മപരിശോധന, ഫോട്ടോകോപ്പിക്കുള്ള അപേക്ഷകൾ എന്നിവ മെയ് 20 മുതൽ 24 വരെ ഓൺലൈനായി നൽകാമെന്ന് വിദ്യാഭ്യാസമന്ത്രി വി ശിവൻകുട്ടി. ഉപരിപഠനത്തിന് അർഹത നേടാത്ത കുട്ടികൾക്കുള്ള സേ പരീക്ഷ ജൂൺ 7 മുതൽ 14 വരെ നടത്തും. ജൂൺ അവസാനം ഫലം പ്രസിദ്ധീകരിക്കും. പരമാവധി 3 വിഷയങ്ങൾക്കാണ് സേ പരീക്ഷ എഴുതാനാവുക.
 
പ്ലസ് വൺ ക്ലാസുകൾ ജൂലായ് 5 മുതലാകും ആരംഭിക്കുക. ജൂൺ ആദ്യവാരം മുതൽ സർട്ടിഫിക്കറ്റുകൾ ഡിജി ലോക്കറിൽ ലഭ്യമാകും. 68,604 വിദ്യാർഥികൾ എല്ലാ വിഷയത്തിലും എ പ്ലസ് നേടി. കഴിഞ്ഞവർഷം ഇത് 44,363 പേർക്കായിരുന്നു എ പ്ലസ്. 44 ശതമാനമാണ് വർധനവ്. കണ്ണൂർ ജില്ലയിലാണ് ഏറ്റവും കൂടുതൽ വിജയശതമാനം 99.94 ശതമാനമാണ് വിജയം. ഏറ്റവും കുറവ് വിജയം വയനാട്ടിൽ. 98.41 ശതമാനം. പാലായിലും മൂവാറ്റുപുഴയുമാണ് 100 ശതമാനം വിജയമുള്ള വിദ്യാഭ്യാസജില്ലകൾ.
അടുത്ത ലേഖനം
സംസ്ഥാനത്ത് ഇടിമിന്നലോട് കൂടിയ ശക്തമായ മഴയ്ക്ക് സാധ്യത, മൂന്നിടത്ത് യെല്ലോ അലർട്ട്