തിരുവനന്തപുരം: കഴിഞ്ഞ നിയമസഭാ തെരഞ്ഞെടുപ്പിൽ യുഡിഎഫിന്റെ പരാജയത്തിന് പ്രധാന കാരണങ്ങളിൽ ഒന്നായി മാറിയ സോളാർ കേസിന്റെ അന്വേഷണം സിബിഐയ്ക്ക് വിട്ട് സർക്കാർ. മുൻ മുഖ്യമന്ത്രി ഉമ്മൻ ചാണ്ടി, കെ സി വേണുഗോപാൽ, എ പി അനിൽകുമാർ, അടൂർ പ്രകാശ് ഹൈബി ഈഡൻ, ബിജെപിയിലേയ്ക്ക് ചുവടുമാറ്റിയ എ‌ പി അബ്ദുള്ളക്കുട്ടി എന്നിവർക്കെതിരായ ലൈംഗിക പീഡന കേസാണ് സിബിഐയ്ക്ക് വിട്ടത്. കേസ് സിബിഐയ്ക്ക് വിടണമെന്ന് ആവശ്യപ്പെട്ട് പരാതിക്കാരി മുഖ്യമന്ത്രി പിണറായി വിജയന് കത്ത് നൽകിയിരുന്നു. ഇതിന്റെ അടിസ്ഥാനത്തിലാണ് കേസ് സിബിഐയ്ക്ക് വിടാൻ സർക്കാർ തീരുമാനമെടുത്തത്. കേസ് ഏറ്റെടുക്കണമെന്ന സർക്കാരിന്റെ ശുപാർശ ഉടൻ കേന്ദ്രത്തിനയയ്ക്കും.